Isim [pashshap+beg+i] tarixiy söz. Wang ordisidiki pashshaplarni bashqurghuchi beg.

Isim ①pashshaplar mesul bolup orunlaydighan xizmet, wezipe; pashshaplar ishleshke tégishlik ish: pashshapliq qilmaq. Pashshapliq emili. ②Süpet. Pashshaplar igidarchiliqidiki, pashshaplargha qarashliq, pashshaplargha xas: mollaniyaz pashshapliq yerni térish hashiri bilen seherdila chiqip ketkenidi.

Isim [parsche] ayagh kiyimning tapinigha qoyulidighan, chem yaki bashqa nersilerdin yasalghan qaturma; ökche: ötükning pashnisi.

Süpet ①pashnisi bar, pashna qoyulghan: pashniliq ayagh. Pashniliq betinke. ②Pashna bolidighan, pashna qilinidighan, pashna üchün teyyarlanghan: pashniliq chem.

Isim [pasha+ot] «botanika» etirgül ailisige kiridighan köp yilliq saman gholluq ösümlük. Gholi birer métir égizlikte bolup tik, yopurmiqi nöwetliship ösidu, yopurmiqi taq sanliq peysiman murekkep yopurmaq. Yiltizi dora qilinidu, altay taghliridin tépilidu.

Isim ①pasha köp yer: abdulla her küni bu pashiliqqa kéletti. ②Pasha chéqishtin saqlinish üchün, daka, mata qatarliq rextlerdin tikilgen chimildiq: pashiliq tartmaq. Pashiliq tikmek.

Teqlid söz. Nersilerning bir-birige urulushi, étilishi we qattiq chüshüshidin chiqqan awaz: tapancha uning qolidin qangqip sim kariwat üstige «paq» qilip chüshti.

«Paq» qilghan we shu xildiki awazlar: ghalib niyazning tuyuqsiz turghanliqidin paydilinip paqpuq birnechchini uruwetti.

①Isim «zoologiye» qosh makanliq haywan. Béshi yapilaq hem keng; aghzi, közi chong; térisi siliq, renggi muhitning oxshimasliqi bilen oxshash bolmaydu. Uning adette yéshil, kül reng sepkünliri bolidu; barmaq ariliqida népiz perdisi bar; suda yaki sugha yéqin jaylarda yashaydu, köpinche qarangghuda heriket qilidu; erkekliride kurkirash orgini bolidu, ünlük kurkiraydu; ②asasen étizlardiki ziyandash hasharatlar bilen ozuqlinidu; yéza igilikige paydiliq, balisi «qumchaq» déyilidu. Yéshil paqa adette «étiz toxusi» depmu atilidu. ③Isim. Tügmenning téshini heriketke keltürüsh üchün, shümekning uchigha ornitilghan, töpe tashning töshüki ichide turidighan töt burjek yapilaq tömür: tügmenning paqisi.

Isim. Putning tizdin tartip oshuqqiche bolghan qismi: kalla dése paqalchaq démek.

Péil. «Paqpaq» qilghan awaz chiqarmaq, paqildap turmaq, paqildimaq.

Rewish. «Paq» qilghan halda, «paq» qilip: ehmed üstel üstige paqqide birni urup mushtlirini ching tügdi.