Ötken ömür – aqqan su. Ötken ish salawat. Öch körgenni ottuz qétim körüptu. Öchkining ochuq tursa héch gep yoq, qoyning échilip qalsa hoyt – hoyt. Öz öyümning boshluqi, put – qolumning xoshluqi. Öz élingning nénini ye, kéche – kündüz ghémini ye. Özgige ölüm tiligiche, özüngge ömür tile. Özüng qingghir bolsangmu, géping tüz bolsun. Özüng üchün külersen, yurtung üchün ölersen. Özüngge yaxshiliq tiliseng, kishige yamanliq qilma. Özüngge yaqmighanni kishige tangma. Özüngni bil, özgini qoy. Özüngni chaghla, bélingni baghla. Özüngni xar qilghuche, küchüngni xar qil. Özüngni er chaghlisang, özgini shir chaghla. Özüngning kimlikini bilmekchi bolsang, kishining qizigha elchi ewetip kör. Özüm tapqan balagha, nege baray dawagha. Özümni chaghlimay shilting étiptimen, palasqa yöginip hepte yétiptimen. Özi bolalmaydu, bolghanni körelmeydu. Özi toysimu közi toymas. Özini sorighan yurt sorar. Özining putigha özi keke chépiptu. Özining özige, topisi...