Süpet [parsche] arzu qilghuchi, istigüchi, intizar: men xélidin béri uni bir körüshke arzumen bolup yürettim.

Süpet ①köptin béri arzulap kelgen, arzulap kütülgen; köngüldiki: ata-ana arzuluq yalghuz qizini öz janliridimu artuq köretti. ②Arzular bilen tolup tashqan, arzusi bar: arzuluq dunya.

Péil ①arzu qilmaq, ümid qilmaq: buni biz emes, nechche ewlad kishiler arzu qilishqan. Hetta böshüktiki kichik balilarmu uni arzulaydu. ②Yaxshi körmek, amraq bolmaq, hewisi kelmek: yigitning béshida chimen doppa, uchisida hazirqi yigitler arzulap kiyidighan xurum chapan bar idi .③Asrimaq, pepilimek, erkiletmek: zorixan maysemni arzulap, suning süzükini, ashning qoyuqini bérip, qoldin chüshürmey chong qildi.

Süpet. Arzu-ümidi yoq, arzu qilmighan; arzulanmighan yaki arzulanmaydighan: dunyada héchqandaq arzusiz adem bolmisa kérek.

Dildiki arzu, niyet we meqsetler: u mendin:-deslepki arzu niyetliringizni tuyuqsiz özgertiwétishke néme mejbur qildi?-Dep soridi.

Arzu we shu arzu heqqide qilghan xiyallar, oylinishlar: bir jüp yash köl boyida olturup, özlirining arzu-xiyalliri üstide uzaq mungdashti.

Dildiki arzu we telepler: ezem aka yashlarningmu özige layiq arzu-telepliri barliqini némishqimu chüshenmeydighandu.

Dildiki arzu we tilekler: u özining arzu-tileklirini xetke éniq qilip yazdi.

Dildiki arzu istekler: sen ularni herbir oylighiningda ularning arzu-ümidliri, otluq tilekliri sanga küch we derman béghishlap, aldingda parlaq tang étiwatqandek yoruqluq sézisen.

Dildiki arzu we istekler: u öz eserliride emgekchi xelqning qayghu-hesret we arzu-isteklirini intayin tesirlik eks ettürüp bergen.

Dildiki arzu we armanlar: alem arzu-arman quchiqida yashnaydu.

Isim [parsche] dildiki istek; ümid, intilish, hewes: arzu qilmaq.＊Bir arzu on arzuni tughidu (maqal).