Bash

①Isim. Adem bedinining boyundin yuqiri, haywan bedinining boyundin aldinqi yeni köz, qulaq, éghiz, burun qatarliq ezalar orunlashqan qismi; kalla: soqa bash. Gilding bash. ②Isim. Tik, öre nersilerning yuqiri teripi; choqqisi: tagh béshi. Derex béshi. Tonur béshi. ③Isim. Bashliq, rehber: hoshur beg serdarni ulargha bash qilip, irolgha mangdurdi. ④Süpet. Birer kesip yaki sahede bashqilargha rehberlik qilidighan, orni bashqilardin yuqiri: bash katip. Bash inzhénér. ⑤Süpet. Eng muhim, asasiy: bash bölek (grammatikida). Bash wezipe. ⑥Isim. Köchme menidiki söz. Ménge, eqil, hosh, zéhin, köngül: uning béshi jayida emes, bolmisa ashundaq gep qilamdu?＊Béshing nege ketti ? ⑦Isim. Köchme menidiki söz. Kishi, adem, jan, öz:-béshingni élip bu yerdin chiqip ket, deptu ayal hammal. ⑧Rewish. Awwal, burun, deslep, ilgiri: yarning öyi baghrashta, belgisi qara qashta. Anche meyling bolmisa, némishqa oynighan bashta. ⑨Süpet. Birinchi: bash köwrük. Bash barmaq. ⑩Miqdar söz. Sanaq sanlar bilen kélip miqdarni bildüridu: bir bash piyaz. Ikki bash chamghur. On bash qonaq. ⑪Isim. Esir, yil, pesil, ay, kün, gep-söz qatarliqlar yaki uzunluq ölchimi bilen ölchinidighan nersilerning bashlanghan jayi, qismi; yuqiri teripi: yilning béshi. Gepning béshi. Sayning béshi. Deryaning béshi. ⑫Isim. Bezi ziraet we köktatlarning kallek bolidighan méwisi, hosuli, bashaq: bash termek. Bash piyaz. ⑬Isim. Chach: bash aqarmaq. Bash chüshürtmek. ⑭Isim. Bezi isimlar bilen birikip shu isim arqiliq ipadilengen nersini yaki shu nerse orunlashqan jayni bildüridu: étiz béshi. Ériq béshi.