Bay

①Süpet. Héch nersige mohtajliqi yoq; nurghun mal-dunyasi bar: bay memliket. Bay adem. ②Süpet. Terkibide, ixtiyarida, baghrida, ichide kéreklik we paydiliq nersiler köp; mol, yéterlik: yéri bayning éli bay (maqal). ③Isim. Mal-dunya yighquchi; döletmen kishi: bay barni bermes, kembeghel qarap turmas (maqal). ④Isim. Baylargha murajiet qilishta yaki ular toghrisida söz bolghanda, ularning nami ornida yaki namigha qoshup ishlitilidu: dédim turup:-bay aka, oghri demsiz méni siz? Qotandiki izlarni, qarap körüng qandaq iz. ⑤Isim. Hörmet yüzisidin kishi namigha qoshup ishlitilidu hem kishi ismining terkibiy qismigha kiridu: emetbay. Tashbay. ⑥Isim. Shinjang Uyghur aptonom rayoni aqsu wilayitidiki bir nahiyining ismi.