Bilen

Baghlighuchi ①ikki jümle yaki jümle böleklirini tengdash munasiwette baghlap kélidu: men adil bilen muxterni bazarda uchrattim. ②«Ghan, qan,-gen,-ken» bilen axirlashqan süpetdashtin kéyin kélip, mene jehettin qarshi bolghan egeshme jümle bilen bash jümlini baghlash üchün xizmet qilidu: men bu sheherge kelmigen bilen, bashqa jaylargha barghanmen. ③Ish-heriketning wasitisini bildüridu: qoli bilen élip, puti bilen bériptu (maqal). ④Abstrakt menidiki isimlar bilen birikip, ish-heriketning qandaq rohiy halette orunlinishini bildüridu: ular bizni xushalliq bilen qarshi aldi. ⑤Waqit menisidiki sözler bilen kélip, ish-heriketning qachan sadir bolghanliqini, qanche waqit dawamlashqanliqini bildüridu: ular qeshqerge tang seher bilen yétip kelgenidi. ⑥Orun, jayni bildüridighan isimlardin kéyin kélip, ish-heriketning shu jayni boylap yönelgenlikini bildüridu: men bazar bilen keldim. ⑦«Bille», «birlikte» rewishliri bilen kélip, billilik uqumini bildüridu: asim özining partizan yigitliri bilen bille yétip keldi. ⑧Ikki terep qatnishish bilen bolidighan ish-heriketning qarshi teripini bildüridu: men tursun bilen ikki saet paranglashtim. ⑨Ish-heriketning yaki haletning, weqening yüz bérishige özidin aldinqi söz arqiliq ipadilengen nerse seweb, asas bolghanliqini bildüridu: qan bilen kirgen xuy jan bilen chiqar (maqal). ⑩Rewishdashlar bilen bille kélip, melum bir ish, oy-pikirge bérilip ketkenlikini bildüridu: u xiyal bilen olturup, méning kirginimni sezmey qaldi. ⑪Waqit, peyt menisini bildüridighan egeshme jümlilerde isimdashtin kéyin kélip, ish-heriketning bash jümlide ipadilengen ishtin burun béjirilgenlikini bildüridu: bash etiyaz kélishi bilen men sersan bolup kétip qaldim.