Erkin abdulla Uyghur millitidin chiqqan yash senetkar, junggo muzikantlar birleshmisi moda muzika ilmiy jemiyitining kéngesh ezasi, junggo filaménko jemiyitining daimiy heyet ezasi. Uning muzika uslubi köp xil muzika élmntliridin terkib tapqan bolup, özgiche alahidilikke ige awazi we kamaletke yetken gittar maharitige milliyche we zamaniwi, eneniwi we moda uslublar qoshulup uning muzikiliri tedirji halda millet halqighan köp xllashqan muzika uslubi bolup shekillengen.
2002-Yili erkin abdullaning neshirdin chiqqan birinchi pilastinkisi «qumluqtin chiqqan dolan» we «dolan» namliq naxshisi nenning xelqaraliq milliy senet bayrimida ayrim– ayrim halda «eng yaxshi pilastinka mukapati» we «eng yaxshi xasliq mukapati» gha érishken. 2003-Yili jungxua xelq jumhuriyiti medeniyet ministirliki uyushturghan pütün memliketlik eng chong kölemlik naxsha musabiqiside ammibap uslup boyiche sherep bilen «birinchi derijilik mukapat» qa érishken. Ijadiy esiri «Uyghur qizi» nenning xelqaraliq milliy senet bayrimida sherep bilen «on chong nadir naxsha mukapati» gha érishken. Ijadiy esiri «men öley» altinchi qétimliq shangxey asiya muzika bayrimida sherep bilen «eng yaxshi eser mukapati» gha érishken.
2004-Yili erkin abdullaning ikkinchi pilastinkisi «ming bir kéche» neshirdin tarqitilghan. «Gittar öginish qollanmisi» neshirdin tarqitilghan. Shinjangda seyyare neq meydan konsért ötküzgen. «Shinjang qeshqer yashliri obraz elchisi» sheripige érishken.
2005-Yili erkin abdullaning üchinchi pilastinkisi «sheher kéchisi» neshirdin tarqitilghan.
2006-Yili erkin abdullaning tötinchi pilastinkisi «döngköwruk heqqide parang» neshirdin tarqitilghan. Ijadi esiri «néme boldi» shinjang qurban héytliq senet kéchilikide «eng yaxshi ijadiy eser mukapati» gha érishken.
2007-Yili erkin abdullaning beshinchi pilastinkisi «blog» neshirdin tarqitilghan. Ijadiy esiri «qeshqer» shinjang Uyghur aptonom rayonluq tor muzikiliq filimliri chong musabiqiside sherep bilen «birinchi derijilik mukapat» qa érishken.
2008-Yili erkin abdullaning altinchi pilastinkisi «ming öy» neshirdin tarqitilghan. 2005–2007 Yilliq junggo altun pilastinka mukapati «tolghima muzika türidiki er artis mukapati» gha érishken. «Rengdar qeshqer» balilar senet ömikining bash nazaretchisi bolghan. «Ana», «amalsizliq» qatarliq ikki parche esiri «shinjang ijadiy ammibap muzika eserliri chong musabiqisi» da sherep bilen altün küy mukapatigha érishken. 2010-Yili merkizi muzika inistitutida kompozitorluqta bilim ashurghan.
2012-Yili 7–ayda béyjing bawli tiyatirxanisida shexsy senet kéchilikini ötküzgen.
2013-Yili erkin abdullaning yettinchi pilastinikisi «ejdad izi» neshirdin tarqitilghan.
2014-2015– Yili teklipke asasen yipek yoli yaxshi awazining bahalap yétekligüchi ustazi bolghan.
2015-Yili amérika los anzhélés muzika inistitutida ( akadémiyiside) oqughan.
Dangliq bir Uyghur senetkari bolush süpiti bilen erkin abdulla ijadiyette izchil Uyghur eneniwi milliy senet miraslirigha warisliq qilish we tereqqiy qilishqa chongqur ehmiyet bergen. U Uyghur qedimiy dolan muqamlirining jewherlirini toluq qobul qilip «tengritagh bürküti», «ming öy» qatarliq junggoche gherbche birleshtürülgen, qedimkisi bügünge maslashqan (qedimkini bügünkige xizmet qildurghan) ésil küylerni ijad qilghan we yene «renggareng qeshqer» balilar senet ömikining bash nazaretchilik wezipisini üstige élip, pamir égizlikidiki az sanliq millet ahalisining balilar qoshaqlirini (shéirlirini) retlep,teyyarlap, özleshtürüp we konséritlashturup milliy medeniyet enenisige bir türlük qimmetlik bayliqni qaldurghan.
