Ezmek

Péil ①bésip mijiqlimaq, yanjimaq; siqip süyini chiqarmaq: ghulam aldirash yügürüp kirdi-de, piship tüwige chüshken bir shaptulni dessep éziwetti. ②Urup, soqup uwaqlimaq, yumshatmaq, makchaytmaq: u yumshitilidighan xam dorilarni hawanchida éziwatatti. ③Nemdep yaki sugha arilashturup temini chiqarmaq, suyuqluqqa aylandurmaq: gülsüm chay istakanlirigha chaqmaq qent saldi-de, chay qoshuqi bilen asta maltilap ézishke bashlidi. ④Köchme menilik söz. Jebir, zulum salmaq; ékspilatatsiye qilmaq: huseyinning dadisi gomindangning chong bir emeldari bolup, xelqni éghir halda ezgenidi. ⑤Késel yaki qiyinchiliq jismaniy jehettin boshashturmaq: xushalliqni untudi perhat, yüzliridin köchti qizilliq. Közliride oynidi hesret, ezdi uni miskin yétimlik. ⑥ Rohiy jehettin azablimaq, chüshkünlükke uchratmaq, qiynimaq; biaram qilmaq, hayajanlandurmaq: uning hazirqi hali yürek-baghrimni ezdi. Qizning mungluq naxshisi yürikimni ezdi. ⑦ Birer gepni ezmilik bilen sozmaq, gepni chaynap uzartmaq: u birhaza ezmisini ezdi, anglimay kétiwérey désem, «hal peyda bolup qaptu», dep oylap qélishidin ensiridim.