Mehmut sulayman 1968-yili qeshqer shehiride tughulghan. 1981-Yili shinjang senet institutining ussul kespide oqughan, 1985-yili mektep püttürüp, qeshqer senet ömikide ussulchi bolup ishligen. Senet ömikide ussulchi bolup ishligech, naxsha-muzika ijadiyiti bilen shughullanghan.
1990-Yili «riwayet» muzika etritini qurghan. 1992-Yili «salam dostlar», 1993-yili «shükri dédim», 1995-yili «yultuzum» namliq ijadiy naxshilirining ünalghu léntilirini tarqatqan. 1997-Yili, aptonom rayonluq senet ömikining teklipi bilen yötkilip kelgen.
Shundin bashlap, «bu chüsh emes», «azabliq lezzet», «sehradin kelgen dada», «qarangghu tagh», «sehradiki mung küy» qatarliq kinolarning naxsha-muzikisini ishligen. 2005-Yili, shangxey muzika uniwérsitétigha imtahan bérip ötken, 2006-yili «séghinmidingmu» namliq MTV pilastinkisini tarqatqan.
Uyghur xelqining söyümlük oghlani mehmut sulayman ependim 2020-yili 11-ayning 23-küni kéchide, 52 yéshida yürek késili seweblik xelqimizdin ayrilip, könglidiki barche qayghu-hesret we dert-elemlirini u alemge élip ketti.
