Ah-zar: qérindashlirim chüshti méning yadimgha, shunga her an ah-apghan étermen.

Birer xapiliq, derd-elem yaki aghriq azabidin zarlanmaq, nale qilmaq.

①Késel kishining aghriq azabidin ingrighan nalisi, ah we uh. ②Échinishliq nale zar, qayghu-hesret tuyghusi, ah we uh.

1. Péil ①tawushni anglash orgini arqiliq qobul qilmaq: muzika anglimaq. Ders anglimaq. * Qizim sanga éytay, kélinim sen angla (maqal). ②Bilmek, xewer tapmaq, xewerdar bolmaq, waqiplanmaq: baharxan ölgendin kéyin baqining késili éghirliship, orun tutup yétip qalghanliqini anglighanidim. ③Köngül bölmek, étibar bilen qarimaq, diqqet-étibarini qaratmaq: ammining pikrini anglimaq. ＊Exmetjan qasimi bu wekiller bilen körüshüp, xelqning yaxshi telep-arzulirini anglidi. 2. ④Qobul körmek, maqul bolmaq: gep anglimaq. Terbiye anglimaq. ⑤Aghzaki tenbih, dekke, deshnem we shu qatarliqlarni ishitmek: séni dep apamdin birmunche gep anglidim.

Isim. Ang-sézimge igilik, toghra qarashqa ige bolush: xelqning qanungha riaye qilish asasiy jehettin angliqliq asasida bolidu.

1. ①Süpet. Anggha ige, eqil-idrakliq: adem angliq mexluq. ②Süpet. Ijtimaiy hayatni, özining mewqesi we tarixiy burchini toghra chüshinidighan, chüshengen:-qizim siz angliq we yaxshi ishchi, -dédimmen mumkinqeder siliq sözleshke tiriship. ③Süpet. Ilmiy chüshenchige ige, bilimlik, medeniyetlik: xeyrullaning anisi angliq ayal bolghachqa, oghlining tapqan layiqigha derhal razi boldi. 2. ④Süpet. Ang, eqil-idrak bilen baghlanghan, eqil-idrak teqezzasi bilen qilinidighan: angliq hayat. Angliq heriket. ⑤Rewish. Özlükidin, öz ixtiyari bilen, meqsetlik halda, körüp, bilip turup: rehbiriy yoldashlar özige qattiq telep qoyup, xilmuxil natoghra istillarni angliq tosup, her millet ammisigha ülge bolushi lazim.

①«Anglashmaq» péilining mejhul derijisi. ②Bilinmek, uqulmaq, ipadilenmek: meqsetni qisqa sözler bilen bayan qilishta shundaq ustiliq kérekki, qisqa yollar arqiliq kengri pikirler éniq ipadilensun, ochuq anglishilip tursun.

«Anglatmaq» péilining mejhul derijisi: uning ish-izliri radioda anglitildi.

Isim. Radio istansisi yaki radio uzéllirining anglitidighan bir qétimliq nomurliri: shinjang xelq radio istansisi etigen saet besh yérimda birinchi qétimliq anglitishni bashlaydu.

«Anglimaq» péilining mejhul derijisi: yiraqtin kimningdu ensiz awazi anglandi.

«Anglimaq» péilining ömlük derijisi: ular hékaye anglashmaqta idi.

①«Anglimaq» péilining mejburiy derijisi: u gépini bizge anglatmasliq üchün awazini qanche peslitip sözligini bilen, biz yenila anglap qalduq. ②Radio yardimi arqiliq yetküzmek, tarqatmaq: shinjang xelq radio istansisi yene besh minuttin kéyin senet nomurlirini anglitidu.