Pishmaq

Péil ①ösüp, rawajlinip istémal qilishqa, ishlitilishke bolidighan, yaramliq halgha kelmek; yétilmek (méwechéwe, danliq ziraet we shuninggha oxshashlar heqqide): pishqan qoghun sapiqida turmas (maqal). ②Qorush, qaynitish, dümlesh qatarliq usullar arqiliq istémal üchün teyyarlanmaq: tamaq pishmaq. ＊Bermesning éshi pishmas, ochaq béshidin chüshmes (maqal). ③Köchme menidiki söz. Birer ishqa, sahege tejribilik bolup yétilmek: kesipke pishmaq. ④Köchme menidiki söz. Chéniqmaq, tawlanmaq: bextiyar sözlewétip, emgekte pishqan qatmal qolliri bilen saadetning paxtidek aq, yumshaq qollirini asta tutti. ⑤Köchme menidiki söz. Qarar qilmaq, birlikke kelmek (meslihet heqqide): shu kéchide meslihet pishti, chérikler tang atqanda jengge atlinishqa perman bérildi. ⑥Köchme menidiki söz. Yétip kelmek; hazirlanmaq (waqit, peyt, shert sharait heqqide): shert-sharaiti pishmaq. ⑦Köchme menidiki söz. Singish bolup qalmaq, adet bolmaq (közi we qulaqqa): közi pishmaq. ＊Bu geplerni tola anglap, méning quliqim piship qaldi. ⑧Köchme menidiki söz. Chingdalmaq, pishshiqlanmaq: kigiz pishti. Xish yaxshi pishti. ⑨Péil. Su we shuninggha oxshash suyuqluqqa chilap höl qilmaq, chömüldürmek: sugha pishmaq.