①Süpet. Bir yilgha mölcherlengen; bir yil ichide bolup ötken yaki bolidighan ehwallargha ait, körsitilgen yilgha, shu yildiki ehwal-weqelerge munasiwetlik: u chaghda bizlerdin yilliq imtihan éliniwatatti. *Yilliq xulaside herbir kishining xizmitini bahalashta mushu xatire asas qilinidu.
②Süpet. Miqdar we sanni bildüridighan sözler bilen kélip «shunche yilgha mölcherlengen; shunche yil dawam qilidighan yaki qilghan; shunche yil bolghan» dégendek menilerni bildüridu: axiri méning üch yilliq oqush waqtim toshup, xizmetke teqsim qilindim. *Men deslepki 19 yilliq hayatimni ashu yerde ötküzdüm. *Siz bilmeysiz, qasim dégen bizning yézimizning on nechche yilliq su kadiri.
③Isim «maarip» mekteplerdiki oqughuchilarning mektepke kirgen yil cheklimisi asasida bölüngen derije ayrimisi: 92-yilliq Uyghur tili sinipi. 3-Yilliq 2-sinip.
④Isim. Yil boyi serp qilghan méhniti, emgiki üchün bérilidighan heq, maash: ésingde tut, biz sen bilen yilliqingni alte paqlandinla kélishkenmiz. *Qonaq bilen yarchenge, bir yilliqim kétidu. Yette yilliq ish heqqim manga pütün qaytidu.
⑤Süpet. Yil mudditi bilen toxtamlashqan, yil boyi ishleshke yallanghan: yilliq ishchi. *Suptay on nechche yildin béri bu yerde gah yilliq, gah ayliq ishlep yüretti.
⑥Isim. Birer tarixiy weqe yaki hadisining körsitilgen yaki sözlengen yilgha toshqanliq xatire küni yaki xatire yili: exmetjan qasimi tughulghanliqining 70 yilliqi. L. Mutellip wapatining 50 yilliqi.
