Zaghra nan – nanning bir türi bolup, qonaq unini asasliq matériyal qilip teyyarlinidu, quruq bolup, uzaq saqlashqa bolidu.
Teyyarlash usuli:
1. Qonaq unigha tuz quyup, qiziq suda xémir yughurup, xémir sowughanda xémirturuch, ushshaq toghralghan kawa arilashturup, bir saet qoyup boldurulidu. Andin 140-200 ser chongluqta zowula üzüp aq unda qurghunlap, ikki santimétir qélinliqta nan yasap, yüzige pichaq yaki tükche bilen chapras belge urulidu.
2. Qizitilghan tonurgha yéqip jöwende nangha oxshash qilip pishurulidu. Pishurush waqti uzunraq bolidu. Bu nanni qeshqer we xotenning köpinche yerliride su we tuz bilen yughurup xémirni boldurmaymu yaqidu.
Asasliq matériyali: Qonaq uni besh kilogram, tuz muwapiq miqdarda, su ikki yérim kilogram, aq un 500 gram, ash kawisi bir kilogram, xémirturuch 175 gram.
Zaghra nanning paydiliri:
Zaghra nan tebiiyti jehettin quruq issiq dep qarilidu, zaghra nanning ashqazan, ücheyni ozuqlandurush we üchey herkitini tizlitish, bedendiki herqaysi orunlardiki qan tomurlarni kéngeytish, qan aylinishni yaxshilash, qandiki maylarni parchilash, süydük heydep börekning yükini yenggillitip, rakning aldini élish we tereqqiyatini tizgilesh, chong teretni rawanlashturush, bedenni ozuqlandurup énirgiye bilen teminlesh, bedendiki höllükni qurutush, herqaysi toqulma ezalargha quwwet hasil qilish, qandiki mayni iritip jiger xizmitini yaxshilash, ishtihani échish qatarliq xususiyetlerge ige. Shunga zaghra nanni künde muwapiq stimal qilip berse salametlik üchün intayin paydiliq.
