Yiliki Toshmaq

0 159

①Küch-quwwette wayigha yetmek, saghlam yétilmek. ②Pul-méli, iqtisadiy küchi zoraymaq, ashmaq; uli chingimaq.

Yiliki Toq

0 169

①Témen, saghlam, küch-quwwiti bar: bayning balisi emesmu? Yiliki toq-de.

②Pul-méli, iqtisadiy küchi bar, iqtisadiy asasi ulluq:-pulimizni bergen bolsanglar,-dédi boway közlirini chimchiqlitip,-yilikimiz toqraq bolar idi.

Yilikide Su Ichmek

0 159

①Qattiq zerbe bermek, weyran qilmaq, halak qilmaq: -tiliwaldining yilikide su ichimen! -Dédi qubdun zeherxendilik bilen, -méningdin ötüp ketkinini körey uning…

②Bashqilarning küchidin nomussizlarche paydilanmaq, bashqilarning payda-menpeetini peskeshlerche özi üchün ishletmek: undaq xeqning yilikide su ichidighan pixsiqtin almighan pulni kimdin alimiz?!

Yiliki Suyuq

0 156

Küch-quwwiti az, maghdursiz, ajiz, saghlam emes: u kichikide yiliki suyuq bala idi, chong bolghansiri saghlamliship tendurus bir yigitke ayliniptu.

Yiliki Shorluq

0 171

← Shor péshane, teleysiz, bexitsiz, teqdiri kazh, biteley: -méning yilikim shorluq, mushu ishnimu men qilmay, bashqa biringlar qilinglar,-dédi u narazi bolghandek qilip.

Yilikini Chaqmaq

0 160

Weyran qilmaq, ebjiqini chiqarmaq, halsizlandurup kardin chiqarmaq, küch-quwwitidin ayrimaq: ötken yilqi tebiiy apet déhqanchiliqqa zor ziyan keltürüp, déhqanlarning yilikini chéqiwetti.

Yilikini Shorimaq

0 201

Qattiq ezmek, ékspilatatsiye qilmaq, bozek qilip emgikidin özi bilgenche paydilanmaq: hayankeshler xelqning yilikini shorash üchün türlük shumluqlarni qilatti.

Yilikini Qurutmaq

0 157

Esli neslini yoq qilmaq, weyran qilmaq: qurghaqchiliq bolsa, el-yurtning yilikini qurutushqa bashlaptu.

Yiliki Üzük

0 164

①Téni saghlam emes, beden quwwiti ajiz, maghduri kem.

②Iqtisadiy küchi ajiz, turmush kechürüshi tes, kembeghel, namrat.

Yiliki Üzülmek

0 146

Iqtisadiy jehette qiyin haletke chüshüp qalmaq, iqtisadiy ehwali intayin nacharlashmaq, namratlashmaq: qéyinatamning ölümini uzitimiz, yette, qiriq nezirlirini bérimiz dep, yilikimiz üzülüp qaldi.