«Azablimaq» péilining mejhul derijisi: bu pajiede öziningmu qoli barliqi üchün, u qattiq azablinip ichidin tügep yüretti.

«Azablimaq» péilining ömlük derijisi: ular mömin akini téximu éghir jismaniy azablar bilen azablashti.

Türlük azab we oqubetler, jebir japa, musheqqet we qiyinchiliqlar: wezirning ayali körgen chüshini we kéche tartqan azab-oqubetlirini bir-biridin bayan qiliptu.

Isim [erebche] ①jismaniy yaki rohiy jehettiki qiynilish; éghirchiliq: tughut azabini ana biler (maqal).＊Orunsiz ghezep-özüngge azab (maqal). ②Japamusheqqet; müshküllük, qiyinchiliq: yol azabi-gör azabi (maqal).＊Men bu musapini mingbir azabta bésip tügettim.

Eng töwen mölcherligende, eng töwen hésablighanda: u, bu kitabni az dégende ikki künde oqup bolidu.

Azmu emes, köpmu emes, melum miqdarda, melum derijide; az-paz: rastini éytqanda hemme kishide az-tola kemchilik, xataliq bolidu.

Miqdar yaki san jehettin köp qiliwetmey, azdin-azdin, azraq-azraqtin: az-azdin almaq.

«Az» sözining tekrarlinishi.

①Süpet. San yaki miqdar jehettin köp emes; kem: puli azning ghémi az (maqal).＊Dost köp, toghrisi az (maqal). ②Süpet. Yéterlik emes; kupaye qilmaydighan, qanaetlinerlik bolmighan: u hélila inisining dostidin anglighanliri üchünla ayali maysixan choyunning yüzige tükürsimu, öydin hazirla qoghlap chiqarsimu az… ③rewish. Bezi-bezide, kemdin-kem; gah gah: u tala-tüzge az chiqatti.

Süpet [parsche] «yéziq tili» seremjanlashturulghan, tertiplik, bézelgen: hemme yaq areste qilinghan, kishiler bayramliq kiyimlirini kyigen daghdughiliq menzire köz aldimda gewdilendi.

Qalaymiqan, retsiz: u qoligha supidiki yoghan we éghir paltini aldi-de, kötekning arwang-sarwang putaqlirining arisigha küch bilen urdi.

«Ximiye» organik birikmilerning chong bir türi. U bénzol we uning tughundilirini öz ichige alidu. Bu türdiki birikmilerning molékulisida bir yaki birnechche bénzol yadrosi bolidu.