Xilmu-xil uchurlargha tor arqiliq érishish bügünkidek tereqqiy qilghan ehwalda, Uyghur tilidiki tor betlerning heddidin ziyade azlap kétishi netijiside, weten ichi we sirtidiki perzentlirimizning toghra we etrapliq uchurgha öz tilimizda érishishi barghanséri qiyinliship kétiwatidu. Meniwiy medeniyet bayliqlirimizni tor dunyasigha waqtida élip kirip, perzentlirimizning qolay érishishige kapaletlik qilalmisaq, ejdadlirimiz bizge qaldurghan qimmetlik miraslar ewladlirimizgha waqtida yetküzülelmey, bizdin baldurraq yoq bolup kétishi muqerrer. Bu sewebtin mewjutliqimizning sewebi bolghan medeniyet we senet miraslirimizni, töhpikarlirimiz we ular yaratqan eserlerni, pen-téxnika uchurlirini chöridigen asasta hayatimizgha munasiwetlik her xil témidiki mezmunlarni toplap we türge ayrip, torda bir «Uyghur qamusi» Shekillendürüp, ewladlirimizning paydilinishigha sunsaq, milliy mewjutliqimizning dawamlishishi üchün nahayiti zor töhpisi bolushi mumkin. Emma bu ishni bir yaki bir qanche kishi bir ömür tirishsimu wujutqa chiqirish tes, «Ish birlikte, küch ömlükte». Bu ishqa töhpe qoshushni xalaydighan dostlarning BU yerge inkas qaldurup yaki élxet arqiliq biz bilen alaqilishishini chin dilimizdin ümid qilimiz. Qilidighan ishlar her bir kishining waqti we emeliy ehwaligha asasen teqsimlinidu. Kompyotérda azraq meshghulat qilalaydighan herqandaq kishi bu ishqa töhpe qoshalaydu we zörür bolghanda ish türi boyiche terbiyelinidu.
i n f o @ u y g u r . c o m
