①سۈپەت. بۇزۇلغان، بۇزۇپ قويۇلغان: ۋېلسىپىت بۇزۇقلۇق پېتى تۇرمامدۇ؟ ②ئىسىم. ئەخلاقسىزلىق؛ بۇزۇقچىلىق: بۇرۇن مەلۇم بىر يۇرتتا بۇزۇقلۇقتا ئۇچىغا چىققان بىر باي ئۆتكەنىكەن.

①«بۇزماق» پېئىلىنىڭ مەجھۇل دەرىجىسى: ئاناڭ ئۆگەي بولسا، تويۇڭ بۇزۇلار (ماقال).＊ئەر كۈنلىسە ئۆي تۈزۈلىدۇ، خوتۇن كۈنلىسە ئۆي بۇزۇلىدۇ (ماقال). ②«بۇزماق» پېئىلىنىڭ ئۆزلۈك دەرىجىسى: چۈشتىن كېيىن ئۇشتۇمتۇت ھاۋا بۇزۇلدى. ③نىكاھلىق يولدىشىدىن يۈز ئۆرۈپ، باشقا بىرىگە قارىماق، بېرىلمەك: پاتەمخان بالىسىغا ئېچىنىش بىلەن قارىغاندىن كېيىن:-بۇنىڭ دادىسى. .. كېيىن ھازىرقى خوتۇنىغا بۇزۇلۇپ، مېنى ئاجرىشىشقا قىستىدى،-دېدى.

ئىسىم <بوتانىكا> ئۈچقات ئائىلىسىدىكى يوپۇرماق تاشلايدىغان چاتقال. كىچىك يوپۇرماقلىرى بەش تال بولۇپ، سوقىچاق كېلىدۇ؛ گۈلنىڭ رەڭگى سارغۇچ ياكى ئاقۇچ يېشىل مېۋىسى شىرنىلىك، رەڭگى توق قىزىل ۋە شارسىمان كېلىدۇ؛ يىلتىز پوستى ۋە يۇمران شېخى دورا قىلىنىدۇ، پەينى بوشىتىش، قاننى جانلاندۇرۇش، رېماتىزمنى داۋالاش رولى بار.

تەقلىد سۆز. كۆپىنچە سۇيۇقلۇقنىڭ كۆپۈكلىشىشى ياكى قاينىشىدىن ھاسىل بولغان ئاۋاز.

رەۋ «بۇژ» قىلغان ھالدا: ئۇنىڭ توپا قونغان يۈزىدە، قۇلاق تۈۋىدە بۇژژىدە ئۆرلەپ چىققان تەر تامچىلىرى يالتىرايتتى.

ئىسىم. سۇنىڭ دولقۇنلىنىشىدىن ھاسىل بولغان ئاق كۆپۈك.

«بۇژغۇنلىماق» پېئىلىنىڭ مەجھۇل دەرىجىسى.

پېئىل. بۇژغۇن ھاسىل قىلماق: باراقسان سۆگەت تاللىرى بۇژغۇنلاپ ئېقىۋاتقان سۇ يۈزىنى سۆيۈپ ئەركىلەيدۇ.

سۈپەت. بۇژغۇن بار، بۇژغۇن ئۆرلەپ تۇرغان، بۇژغۇنلىغان.

«بۇژۇلدىماق» پېئىلىنىڭ مەجبۇرىي دەرىجىسى.

«بۇژۇلدىماق» پېئىلىنىڭ ئۆملۈك دەرىجىسى.

پېئىل. بۇژ-بۇژ ئاۋاز چىقارماق، بۇژ-بۇژ قىلماق: ھاپىز موللىنىڭ ئاغزىدا كۆپۈك بۇژۇلداپ دېمى ئىچىگە چۈشۈپ كەتتى.