باغلىماق

پېئىل. ①باغ، تۈگۈن سېلىپ ئۇلىماق ؛چىگمەك: بەتىنكىنىڭ بوغقۇچىنى باغلىماق. ②ئارغامچا، باغلىق، بوغقۇچ قاتارلىق نەرسىلەر بىلەن بىرەر نەرسىنى قىمىرلىيالمايدىغان قىلىپ تاڭماق: بوينىنى باغلىغان ئىت ئوۋغا يارىماس (ماقال).＊تىلسىز ئادەمنى باغلىغىچە ئىزا تارتساڭچۇ! مانا مەندەك ئادەمنى باغلاڭلار. ③ئورناتماق، تۇرغۇزماق، تىكلىمەك: مۇھەببەت باغلىماق. ④مۇناسىۋەتلەشتۈرمەك، يېقىنلاشتۇرماق، چېتىشتۇرماق: مەسىلىلەرنى بىر-بىرىگە باغلاپ قاراش كېرەك. ⑤قونماق، قاپلىماق: شىرنە باغلىماق. ⑥ياسىماق: سۇپا باغلىماق. ⑦ئەسىر قىلماق، مەپتۇن قىلماق، ئۆزىگە قارىتىۋالماق:-چىرايلىق يۈزۈڭ بىلەن مېنى ئۆزۈڭگە باغلىدىڭ. ⑧ئەتمەك، ياپماق، توسىماق، تاڭماق: جاللات كېلىپ ئۇنىڭ كۆزلىرىنى باغلاپتۇ. ⑨توسماق، تۇتماق، باشلىماق: سۇ باغلىماق.