ئىسىم ①رەخت، قەغەز قاتارلىق نەرسىلەرگە ئوراپ، تېڭىلغان، چىگىلگەن تۈگۈنچە، يۈك: رەخت ساتقۇچى سېرىق قەغەزگە ئورالغان يوغان بىر بوپىنى ئالدىدىكى كىشىگە ئۇزاتتى. ②كۆچمە مەنىدىكى سۆز. كۆڭۈلدىكى ئەندىشە، ھاجەتسىز غەم-غۇسسە: ئىدىيىۋى بوپا.

پېئىل. تۇغماق، تايلاقلىماق (تۆگە ھەققىدە): يىل ياخشى كەلگەنلىكتىن بۇ يىل قايماللار بالدۇر بوتىلاپ بولدى.

ئىسىم. بىرەر نەرسىنىڭ مىقدارى، ھالىتى توغرىسىدا قىلىنغان مۆلچەر، پەرەز: بوداق بوداققا كەلمەك.

سۈپەت. بېقىپ سەمرىتىلگەن؛ سېمىز: سۇپىنىڭ بىر چېتىگە كانار ئورنىتىلغان بولۇپ، بورداق قوينىڭ گۆشى ئېسىقلىق تۇرۇپتۇ.

سۈپەت ①كۆككە مايىل ئاق رەڭ: بوز ئات. بوز قوي. بوز ئېشەك. ② ئېچىلمىغان، تېرىلمىغان، ئۆزلەشتۈرۈلمىگەن: بوز يەر. بوز توپا. // ئۇلار ناشتىدىن كېيىن گەمە ئارقىسىدا ئاچقان بىر پارچە بوز يەرگە كەلدى. ③ئۆيلەنمىگەن، تۇرمۇش تەجرىبىسى كەم، چېنىقمىغان: بوز يىگىت.

«بوزارماق» پېئىلىنىڭ ئۆملۈك دەرىجىسى.

ئىسىم [پارسچە] <يېزىق تىلى> سۆيۈش: خۇددى يارى پەرىزاتنى كۆرگەندەك. ئۇنى بوسە قىلىپ كۈچ-مادار تاپقاندەك بوپتۇ.

ئىسىم [رۇسچە<نېمىسچە] <مالىيە> ئىدارە-جەمئىيەت، كارخانا قاتارلىقلارنىڭ ھېساب-كىتاب ئىشلىرىنى ئېلىپ بارغۇچى خادىم، ھېسابچى.

پېئىل. بوغقۇچ بىلەن بوغۇپ، چىگىپ بەند قىلماق: بىر ئوۋچى قاپقان قۇرۇپ تۇتۇۋالغان بىر سېرىق جەرەننىڭ پۇت-قولىنى مەھكەم بوغقۇچلاپ، ئاتنىڭ ئالدىغا ئېلىپ كېتىۋاتقانىكەن.

①«بوغماق» پېئىلىنىڭ مەجھۇل دەرىجىسى:-ئاغزى بوغۇلغان كالىدەك پۇشۇلداپ يۈرىسەنغۇ؟-دېدى ئابلەت تۇرغۇنغا. ②خىرىلداپ نەپەس ئالماق، ئاۋاز چىقىرىش تەسلەشمەك؛ بوغۇق ئاۋاز بىلەن سۆزلىمەك: ئۇ پات-پات بوغۇلۇپ يۆتىلەتتى ۋە خىرقىراپ نەپەس ئالاتتى. ③غەزىپىنى ئىچىگە يۇتماق: ئۇ تازا بوغۇلۇپ تۇرغاندا، بىردىنلا قومۇشلۇق ئىچىدىن بىر بېلىقچى كىچىككىنە قېيىقنى ھەيدەپ چىقىپ كەلدى. ④چىرمالماق، مۇپتىلا بولماق؛ پاتماق: قەرزگە بوغۇلماق.

ئىسىم <تەنتەربىيە> بوكس ھەرىكىتى بىلەن شۇغۇللىنىدىغان ئىسپورتچى.

«بولجالىماق» پېئىلىنىڭ مەجبۇرىي دەرىجىسى.