ماقال-تەمسىللەر (س)

0 256
  • ساپال ئۈچۈن ساق قالغۇچە، گۆھەر ئۈچۈن كۈكۈم–تالقان بول.
  • ساختا دوست ئاشكارا دۈشمەندىن يامان.
  • سادىق دەپ ئىسىم قويسا، تۈلكە دەپ لەقەم ئالدى.
  • ساراڭغا سوت يوق.
  • ساراڭنى ساراڭ دەۋەرسە، كۈندە بىر چىشلەم گۆشى ساراڭ بولار.
  • ساغلام تەندە ساپ ئەقىل.
  • ساقال دىگەن ئۆچكىدىمۇ بار.
  • سايەڭگە قاراپ بويۇڭنى ئۆلچىمە.
  • سودىڭىزدىن زېرىكمەڭ، خېرىدارغا تېرىكمەڭ.
  • سورا – سورا بىلىم ئاپتۇ، ئۇيىلا – ئۇيىلا كىيىن قاپتۇ.
  • سوقۇشقاق خوراز سەمىرمەس.
  • سۆرەلمە پايدىدىن ئەپچىل زىيان ياخشى.
  • سۆز قېلىپىدا ياخشى، قىلىچ غىلىپىدا ياخشى.
  • سۆزلىسەم تىلىم كۆيىدۇ، سۆزلىمىسەم دىلىم كۆيىدۇ.
  • سۆزنى قىلىشتىن ئاۋۋال، ئاغزىڭدا چايناپ كۆر.
  • سۆيدۈرگەنمۇ تىل، بەزدۈرگەنمۇ تىل.
  • سۆيگەن يارىم سەن بولساڭ، كۆرگەن كۈنۈم نىمە بولار.
  • سۇ بېشىدا قۇم ئاققۇزار، ئايىغىدا تاش ئاققۇزار.
  • سۇ كېتىدۇ تاش قالىدۇ، ئوسما كېتىدۇ قاش قالىدۇ.
  • سۇدا پىىشماي كىگىز بولماس، ئوتقا چۈشمەي بىگىز بولماس.
  • سۇغا يېقىن سۇچى كېلەر، چۆلگە يېقىن نوچى كېلەر.
  • سۇنايچىدىن يەل كېتىدۇ، ھارۋىچىدىن «تىرت، ۋو ۋو…».
  • سۇنىڭ بېشى لاي بولسا ئايىغىمۇ لاي بولىدۇ.
  • سۇنىڭ قەدرىنى قۇدۇق كولىغان بىلەر.
  • سېمىزلىك ھايۋانغا يارىشار.
  • سېنىڭ ماڭغان يولۇڭدىن، مېنىڭ ئۆتكەن كۆۋرۈكۈم كۆپ.
  • سىر بەرگەنلىك، جان بەرگەنلىك.
  • سىرلىساڭ سىرلىق ئاياق، سىرلىمىساڭ ئىتقا يالاق.
  • سىنالمىغان دوستتىن يولدىكى تاش ياخشى.
  • سىيگەك سۇغا ئامراق.
  • سەدىقە بالانى يەر، توۋا گۇناھنى يەر.
  • سەركىسى بولمىغان پادا يولدىن ئازار.
  • سەركە ھۇشيار بولسا، مالغا ئاپەت كەلمەس.
  • سەللىسى مۇسۇلمان ئۆزى كاپىر.
  • سەللە دىگەن يۈك، ساقال دىگەن تۈك.
  • سەن تاش سانىساڭ، باشقىلار قۇم سانايدۇ.
  • سەھرانىڭ بېگى بولغىچە، شەھەرنىڭ ئىتى بول.
  • سەۋرنىڭ تېگى ئالتۇن.
  • سەۋزىدىن خەۋەر يوق، گۈرۈچ دەم يەپتۇ.
  • سەۋەب قىل، تەلەپ قىل.
  • سەۋەب قىلساڭ سېۋەتتە سۇ توختار.

Leave a Reply

Your email address will not be published. Required fields are marked *