ئىسىم. موزدۇزچىلىقتا ئىشلىتىلىدىغان، مېتالدىن يېڭنىگە ئوخشاش ئۇچلۇق قىلىپ ياسالغان ياغاچ ساپلىق ئەسۋاب: بىگىز سانجىماق.

ئىسىم [بىگىز+تۇمشۇق] <بىئولوگىيە> چىغچىغىر.

سۈپەت [پارسچە] <يېزىق تىلى> گۇمانسىز، ئىشەنچلىك: بىگۇمان ئالغانىدىم تاتلىق مېغىز، ئارىدىن قالدى چىقىپ ئاچچىق مېغىز.

سۈپەت [پارسچە] گۇناھسىز: بىگۇناھ ئادەم.

«بىلجىرلىماق» پېئىلىنىڭ مەجبۇرىي دەرىجىسى.

«بىلجىرلىماق» پېئىلىنىڭ ئۆملۈك دەرىجىسى.

پېئىل. ئاساسسىز، بولمىغۇر گەپ قىلماق؛ ئاغزىغا كەلگەننى سۆزلىمەك؛ ئالجىماق؛ جۆيلۈمەك: ئۇ بولار-بولماس بىلجىرلاپ ئىشنى بۇزدى.

①«بىلمەك» پېئىلىنىڭ مەجبۇرىي دەرىجىسى: ئۇ، توپ-زەمبىرەكلەرنى قانداق ئىشلىتىشنى خەلق ئەسكەرلىرىگە بىلدۈردى. ②ئىپادىلىمەك: مەسچىت دېگەن سۆز ئەرەبچە «سەجدە قىلىدىغان جاي» دېگەن مەنىنى بىلدۈرىدۇ. ③ئىزھار قىلماق، ئېيتماق: تەشەككۇر بىلدۈرمەك. ئىپادە بىلدۈرمەك. ④كۆرسەتمەك: قارشىلىق بىلدۈرمەك.

«بىلدۈرمەك» پېئىلىنىڭ ئۆملۈك دەرىجىسى: ئەزالار ئۇنى قەتئىي ھىمايە قىلىدىغانلىقىنى بىلدۈرۈشتى.

«بىلدۈرمەك» پېئىلىنىڭ مەجھۇل دەرىجىسى.

تىركەلمە [ئەرەبچە] ئۇلۇغ خۇدا ھەققى، ئۇلۇغ ئاللانىڭ نامى بىلەن قەسەم قىلىمەنكى:-بىللاھىئەزىم، ھازىر نەق پۇلۇم يوق،-دېدى تۇرسۇن.

ئىسىم. بىللە بولۇش، بىرگە يۈرۈش؛ بىللە يۈرگەن، تۇرغان ھالەت، ئەھۋال: سەن دېمىسەڭمۇ ھەممە كىشى ئۇلارنىڭ بىللىلىكىنى بىلىدۇ.