«بۇلغىماق» پېئىلىنىڭ ئۆملۈك دەرىجىسى: ئۇششاق بالىلار ئېرىققا ئەسكى-تۈسكى نەرسىلەرنى تاشلاپ، سۈزۈك سۇنى بۇلغاشتى.

ئىسىم. نەرسىلەرنىڭ بۇلغانغان قىسمى، بۇلغانغان تەركىبى: بۇلغانما چىقىرىش كلاپانى.

«بۇلغىماق» پېئىلىنىڭ مەجھۇل دەرىجىسى: باتۇر:-ئەلۋەتتە سىزنىڭ يۈرىكىڭىز ئۇنىمايدۇ، چۈنكى ئۇنىڭ بىلەن بىر ئېقىمدا بۇلغىنىپ بولدىڭىز،-دېدى.

پېئىل ①كىر، پاسكىنا قىلماق: كىيىمىنى بۇلغىماق. ②كۆچمە مەنىدىكى سۆز. داغ چۈشۈرمەك، قارا سۈركىمەك: شەنىنى بۇلغىماق. ③كۆچمە مەنىدىكى سۆز. تەركىبىگە پاسكىنا، ناپاك نەرسىنى ئارىلاشتۇرماق: ھاۋانى بۇلغىماق. سۇنى بۇلغىماق. ④باش ۋە قولىنى ھەرىكەتلەندۈرۈپ، ئايلاندۇرۇپ بېشارەت بەرمەك؛ جاۋاب بەرمەك: ياق، ياق،-پروفېسسور قول بۇلغىدى.

پېئىل. دىئالېكت. سىلكىشلىمەك.

ئىسىم <زوئولوگىيە> سۆسەر ئائىلىسىگە كىرىدىغان بىر خىل سۈت ئەمگۈچى ھايۋان. تېرىسى بەك ئەتىۋار.

ئىسىم. بوۋاق بالىلار ئۈچۈن سۈت، قوي يېغى، ئۇن، شېكەر قاتارلىقلارنى ئارىلاشتۇرۇپ تەييارلايدىغان بىر خىل ئوزۇقلۇق.

پېئىل ①زورلۇق كۈچ ئارقىلىق باشقىلارنىڭ نەرسىسىنى ئېلىۋالماق، تالان-تاراج قىلماق: «مامۇت چايان» خەلقتىن بۇلىۋالغان مال-چارۋىلارنى ئالدىغا سېلىپ ماڭار چېغىدا ئۇدۇل كەلگەن بىرقانچە ئۆيگە ئوت قويۇۋېتىپ، تاغ ئىچىگە قاراپ تىكىۋەتتى. ②يۇقۇشىدىغان نەرسىگە پاتۇرماق، تۆگۈرمەك، مىلىمەك: ئۇ قولىدىكى ناننى لازىغا بۇلاپ يەپ تۈگەتتى.

ئىسىم <مېتېئورولوگىيە> سۇ تامچىلىرى ۋە مۇز كرىستاللىرىنىڭ توپلىنىشىدىن شەكىللەنگەن ۋە ھاۋا بوشلۇقىدا لەيلەپ يۈرىدىغان بىر خىل جىسىم.

سۈپەت. بۇلۇت بىلەن قاپلانمىغان؛ ئوچۇق: ئاسمان پۈتۈنلەي بۇلۇتسىز ئىدى.

سۈپەت. بۇلۇتقا ئوخشايدىغان، بۇلۇت سىياقىدىكى، بۇلۇت شەكىللىك.

پېئىل. بۇلۇت بىلەن قاپلانماق.