«ب» بىلەن باشلانغان ئىزاھلار

بوشلۇق

0 102

ئىسىم ①ئەركىن-ئازادىلىك؛ بىكار: ئۆز ئۆيۈمنىڭ خۇشلۇقى-پۇت-قولۇمنىڭ بوشلۇقى (ماقال). ②ئەتراپى مەلۇم نەرسە بىلەن ئورالغان، ئىچى بوش، خالىي جاي: دىماغ بوشلۇقى. ئېغىز بوشلۇقى. ③زېمىندىن خالىي باشقا يۇلتۇزلار ئارىلىقىدىكى مۇساپىلار: ئالەم بوشلۇقى. ئاسمان بوشلۇقى. ④سۇسلۇق، بوشاڭلىق: بۇ بالىنىڭ ئىشقا بوشلۇقىنى قانداق قىلارمىز. ⑤بوش ياتقان يەر، جاي: باغنىڭ ئوتتۇرىسىدىكى بىر كەڭ بوشلۇققا بىردەمدىلا نۇرغۇن بالىلار توپلاندى. ⑥ماددىلار مەۋجۇتلۇقىنىڭ بىر خىل ئوبيېكتىپ شەكلى. كەڭلىك، ئۇزۇنلۇق، ئېگىزلىك ئارقىلىق ئىپادىلىنىدۇ. ⑦تولۇقسىزلىق، كەملىك: بۇ لۇغەت ئۇيغۇر لۇغەتچىلىكىدىكى بىر بوشلۇقنى تولدۇرىدۇ.

بولشېۋىك

0 108

ئىسىم [رۇسچە] <پەلسەپە> لېنىن قۇرغان سوۋېت ئىتتىپاقى كوممۇنىستىك پارتىيىسى ئىشلەتكەن ئاتالغۇ بولۇپ، «كۆپ سانلىقلار» دېگەن مەنىدە. بۇ ئىسىم بولشېۋىك پارتىيىسىنىڭ ئەزاسى-كوممۇنىست دېگەن مەنىنى بىلدۈرىدۇ.

بوي

0 107

①ئىسىم. كىشى قامىتى: ئوتتۇرا بوي، بويى ئېگىز. بوي ئەگمەك. ②ئىسىم. تىك نەرسىلەرنىڭ ئېگىزلىكى: تېرەك بويى. تام بويى. بوي تارتىماق. ③ئىسىم. ئۇزۇنلۇق ۋە كەڭلىككە ئىگە نەرسىلەرنىڭ ئۇزۇن تەرىپى: ئۇ گىلەمنىڭ بويى قانچىلىككەن؟ ④ئىسىم. قىرغاق، ساھىل، چەت: ئېلى ئۆستەڭ بويىدىن ھېيتگاھقا قاراپ ماڭدى. ⑤رەۋىش. 3-شەخس تەۋەلىك قوشۇمچىسىنىڭ بىرلىكىدە كېلىپ «داۋامىدا، مابەينىدە«: يىل بويى. ئۆمۈر بويى. كۈن بويى. ⑥رەۋىش. قىلغان پېتى، ئەتكەن ھالدا: بېھىنى قولۇمغا تۇتقان بويى ئۆيگە كەلدىم. ⑦مىق. نەرسىلەرنىڭ ئۇزۇنلۇق ياكى ئېگىزلىك مىقدارىنى بىلدۈرىدۇ: بىر بوي تال. بىر بوي تاسما.