- ئۆتكەن ئۆمۈر – ئاققان سۇ.
- ئۆتكەن ئىش سالاۋات.
- ئۆچ كۆرگەننى ئوتتۇز قېتىم كۆرۈپتۇ.
- ئۆچكىنىڭ ئوچۇق تۇرسا ھېچ گەپ يوق، قوينىڭ ئېچىلىپ قالسا ھويت – ھويت.
- ئۆز ئۆيۈمنىڭ بوشلۇقى، پۇت – قولۇمنىڭ خوشلۇقى.
- ئۆز ئېلىڭنىڭ نېنىنى يە، كېچە – كۈندۈز غېمىنى يە.
- ئۆزگىگە ئۆلۈم تىلىگىچە، ئۆزۈڭگە ئۆمۈر تىلە.
- ئۆزۈڭ قىڭغىر بولساڭمۇ، گېپىڭ تۈز بولسۇن.
- ئۆزۈڭ ئۈچۈن كۈلەرسەن، يۇرتۇڭ ئۈچۈن ئۆلەرسەن.
- ئۆزۈڭگە ياخشىلىق تىلىسەڭ، كىشىگە يامانلىق قىلما.
- ئۆزۈڭگە ياقمىغاننى كىشىگە تاڭما.
- ئۆزۈڭنى بىل، ئۆزگىنى قوي.
- ئۆزۈڭنى چاغلا، بېلىڭنى باغلا.
- ئۆزۈڭنى خار قىلغۇچە، كۈچۈڭنى خار قىل.
- ئۆزۈڭنى ئەر چاغلىساڭ، ئۆزگىنى شىر چاغلا.
- ئۆزۈڭنىڭ كىملىكىنى بىلمەكچى بولساڭ، كىشىنىڭ قىزىغا ئەلچى ئەۋەتىپ كۆر.
- ئۆزۈم تاپقان بالاغا، نەگە باراي داۋاغا.
- ئۆزۈمنى چاغلىماي شىلتىڭ ئېتىپتىمەن، پالاسقا يۆگىنىپ ھەپتە يېتىپتىمەن.
- ئۆزى بولالمايدۇ، بولغاننى كۆرەلمەيدۇ.
- ئۆزى تويسىمۇ كۆزى تويماس.
- ئۆزىنى سورىغان يۇرت سورار.
- ئۆزىنىڭ پۇتىغا ئۆزى كەكە چېپىپتۇ.
- ئۆزىنىڭ ئۆزىگە، توپىسى كۆزىگە.
- ئۆكۈزنىڭ بېشىغا كەلگەن كۈن موزاينىڭ بېشىغىمۇ كېلىدۇ.
- ئۆگەنگەن خۇي ئۆلگۈچە قالماس.
- ئۆگەي ئانىنىڭ قۇشلىغىنىدىن ئۆز ئانىنىڭ مۇشتلىغىنى ياخشى.
- ئۆلگەندىن كىيىن يىغلىغۇچە، ئۆلمەستىن بۇرۇن سەۋەب قىل.
- ئۆلگەننىڭ كەينىدىن ئۆلگىلى بولماس.
- ئۆلمىگەن جاندا ئۈمۈد بار.
- ئۆلمەكنىڭ ئۈستىگە تەپمەك.
- ئۆلۈشتىن قورقما، ئۆلەرمەن بولۇپ ياشاشتىن قورق.
- ئۆلۈككە يىغلا، تىرىكنى ئاسرا.
- ئۆلۈمدىن باشقىسى تاماشا.
- ئۆلەر ئىت پالتىدىن قورقماس.
- ئۆمۈر ئاتقان ئوق.
- ئۆي تۇتساڭ بالادا قالدىڭ، تۇتمىساڭ تالادا قالدىڭ.
- ئۆي ئالما، قوشنا ئال.
- ئۆيدىكى ھېساب بازارغا توغرا كەلمەپتۇ.
دىيارىمىز
- ئۇيغۇر دىيارى
- ئۈرۈمچى شەھىرى
- قۇمۇل شەھىرى
- تۇرپان شەھىرى
- قاراماي شەھىرى
- قەشقەر ۋىلايىتى
- خوتەن ۋىلايىتى
- ئاقسۇ ۋىلايىتى
- ئالتاي ۋىلايىتى
- تارباغاتاي ۋىلايىتى
- قىزىلسۇ قىرغىز ئاپتونوم ئوبلاستى
- بايىنغولىن موڭغۇل ئاپتونوم ئوبلاستى
- بورتالا موڭغۇل ئاپتونوم ئوبلاستى
- ئىلى قازاق ئاپتونوم ئوبلاستى
- سانجى خۇيزۇ ئاپتونوم ئوبلاستى
- ئاپتونوم رايونغا بىۋاستە قاراشلىق شەھەرلەر