پېئىل. خەتەرسىز ھالەتكە كەلمەك، خەتىرى يوقالماق: ئائىلىلەردە ئىشلىتىدىغان گاز ئوچاق ھازىر تېخىمۇ بىخەتەرلەشتى.

سۈپەت [پارسچە] دىققەتسىز، بىپەرۋا، پەرۋاسىز: ئۇ ئېرىنىڭ بىخەستە تۇرغان ۋاقتىدىن پايدىلىنىپ، تۇيدۇرماي ئۆيدىكى نەرسىلەرنى ئۆز ئاپىسىنىڭ ئۆيىگە توشۇپ كېتىپتۇ.

ئىسىم. دىققەتسىزلىك، بىپەرۋالىق: بىخەستەلىك قىلماق.

سۈپەت [پارسچە، ئەرەبچە] خەۋىرى يوق، خەۋەرسىز: ئۇ زىۋىرشانىڭ ھازىرقى ھالىدىن بىخەۋەر ئىدى.

ئىسىم [ئەرەبچە] <دىن> دىنغا خىلاپ يېڭىلىق، دىندا كېيىن پەيدا بولغان نەرسە: موللام مۇنداق بىدئەت سوئاللارنى سورىغۇچىلارغا ئىبرەت قىلىش غەرىزىدە غەزەپلىك ئاۋاز بىلەن ۋارقىرىدى.

ئىسىم <دىن> دىنغا خىلاپ يېڭىلىقلارنى كىرگۈزۈش تەرەپدارى ۋە ئۇنىڭغا بېرىلگەن كىشى.

ئىسىم <دىن> بىدئەتچىلەر ۋە بىدئەتكە بېرىلگەنلەرگە خاس ھەرىكەت ۋە خاراكتېر.

ئىسىم. دىنىي قائىدىلەرگە ئۇيغۇن بولمىغان يېڭى ئېقىم، ھادىسە ياكى ئىسلاھاتچىلىق ھەرىكىتى بىلەن شۇغۇللىنىش، دىنغا خىلاپ قىلىق-ھەرىكەتلەر بىلەن شۇغۇللىنىش.

رەۋىش [پارسچە] <يېزىق تىلى> دادلانماي، ئەرز، شىكايەت قىلماي: دادام كونا جەمئىيەتتە تولىمۇ بىداد بولۇپ ھەممە دەرد-ئەلەملىرىنى ئىچىگە يۇتۇپ ئۆلگەنىكەن. بىز ئەقلىمىزگە كېلىپ ئاندىن بۇنى بىلدۇق.

ئىسىم. دادلانماسلىق، ئەرز، شىكايەت قىلماسلىق: بىراۋلار داد دېدى زارلاپ زاماندىن، بۇ بىدادلىق بىلەن زۇلمى ياماندىن.

سۈپەت [پارسچە] <يېزىق تىلى> ①ئۇيقۇغا كەتمىگەن، ئۇيقۇسىز، ئويغاق: بىدار بولماق. ②كۆچمە مەنىدىكى سۆز. ھوشيار، سەگەك، زېرەك: مەرىپەتنىڭ نۇرىمۇ ھۇۋقۇش ئۈچۈن جان قايغۇسى، مەرىپەتسىز دىلدا غەپلەت ھۇۋقۇشى بىداردۇر.

ئىسىم. ئۇيقۇسىز، بىدار ھالەت: نەچچە كۈن بولدى جاراھەتتە روھى-جىسمىم زەئىپ، ئەيلىبان يار كويىدا سۈبھى-شام بىدارلىق.