رەۋىش [بىر+قانداق] قانداقتۇر بىر يوسۇندا، قانداقتۇر بىر خىلدا، قانداقتۇر بىرھالەتتە: سەن ئاپتوبۇسقا چىققاندا بىرقانداق بولمىغانسەن؟

ئالماش [بىر+قايسى] كىملىكى نامەلۇم، قانداقتۇر بىر، قايسىبىر: مامۇتئاخۇن قىزىغا:-بىرقايسىسى مېنى ئىزدەپ كېلىپ قالسا «ھازىر كېلىدۇ» دەڭ،-دەپ چىقىپ كەتتى.

سۈپەت [بىر+قىسما] بىر تۈرلۈك، باشقىچە، نورمالسىز، غەيرىي: ھويلا ئىچىدىن ئايال كىشىنىڭ غۇدۇراپ چالۋاقىغان بىرقىسما ئاۋازى ئاڭلاندى.

①[بىر+قۇر] رەۋىش. بىر قېتىم، بىر باشتىن: موللام قولىدىكى كىتابنى بىرقۇر ۋاراقلاپ چىقتى. ②سۈپەت. بىر يۈرۈش، بىر پار (كىيىم-كېچەك ھەققىدە): مەن ئۆتكەن يەكشەنبە كۈنى بىرقۇر كىيىم تىككۈزدۈم.

رەۋىش [بىر+قەدەر] مەلۇم دەرىجىدە، خېلى: يېقىندىن بۇيان ئۇ كىشىلەرنىڭ بىرقەدەر ياخشى باھاسىغا ئېرىشمەكتە.

ئالماش [بىر+كىم] نامەلۇم بىر كىشى، كىمدۇ بىرى: بىرىنى بىركىم بېرەر، كۆپنى ئەمگەك بېرەر (ماقال).

رەۋىش [بىر+كەم] بىر ۋاقىت، بىر چاغ، بىرمەزگىل: لۇتپۇللا يەنە خاتىرە يېزىشقا كىرىشىپ، خېلى بىركەم بولغاندا ئاندىن ئۇخلىدى.

رەۋىش ①بىر بولۇپ، بىرلىشىپ، قوشۇلۇپ، بىللە، بىرلىكتە: بىز بىرگە ئوقۇدۇق، بىرگە خىزمەت قىلدۇق، بۇ جەرياندا تېخىچە مېنى چۈشىنىپ بولمىغانمىدىڭ؟ ②«بىلەن» سۆزى بىلەن كېلىپ «بىر قاتاردا» دېگەن مەنىدە كېلىدۇ: بەدەننى كۈچلەندۈرۈش ئۈچۈن مۇۋاپىق ئوزۇقلىنىش بىلەن بىرگە تەنھەرىكەت بىلەنمۇ داۋاملىق شۇغۇللىنىش كېرەك.

①ئىسىم. ئىتتىپاقلىق، ئىناقلىق: ئىرادە بىرلىكى. ②سۈپەت. كۆپچىلىككە تەئەللۇق بولغان، ئومۇمىيلىققا ئىگە: بىرلىك سەپ. ③ئىسىم. شەيئىلەرنى ئۆلچەشتە ئۆلچەم قىلىۋېلىنغان مىقدار: ئۆلچەم بىرلىكى // بىرلىك مەھسۇلات.

رەۋىش. بىللە، بىر بولۇپ، قوشۇلۇپ: غۇلام ئۆي ئىگىسى بىلەن بىرلىكتە قوي سويۇۋاتاتتى.

باغلىغۇچى. <يېزىق تىلى> بىلەن، ئارقىلىق: ئوخشىسىمۇ گەر سىياقىغا دەرەخنىڭ پارچىسى، ئول ئېسىل خىسلەتلىرى بىرلە دەرەخنىڭ تاجىسى.

رەۋىش. بىرنى بىرلىك قىلىپ، بىردىن.