ئىسىم. بەرىكەت قىلماسلىق، بەرىكىتى يوقلۇق: قوناقمۇ يىرىك تارتىلغاچقا، ئۇ يىرىك ئۇننىڭ بەرىكەتسىزلىكىدە يەنىلا ئاچ قالاتتۇق.

سۈپەت ①بەرىكىتى بار، بەرىكەت قىلىدىغان؛ ئېشىپ-تېشىپ تۇرىدىغان: بەرىكەتلىك داستىخان. ②ئاز بولسىمۇ، كۆپكە توغرا كېلىدىغان؛ كۆپكە تېتىيدىغان؛ ئاينىشلىق: ئۇنىڭ ئۈچۈن كۈن ئايدەك، ئاي يىلدەك بەرىكەتلىك بولۇپ تۇيۇلۇپتۇ. ③پايدىلىق، مەھسۇلاتلىق، نەتىجىلىك، ئۈنۈملۈك، ھوسۇللۇق: زەرەپشان بويلىرى بەرىكەتلىك كۈز ئايلىرى كېلىشى بىلەن تېخىمۇ گۈزەللىشىپ كېتىدۇ.

سۈپەت [پارسچە، ئەرەبچە] ھەقىقەت؛ ھەق، چىن، ھەقىقىي:-بەرھەق، بەرھەق، كېۋىرئاخۇن ئىمامنىڭ سۆزىنى تەستىقلىدى.

ئىسىم [پارسچە] دەخلى، توسالغۇ، زىيان: بەرھەم بەرمەك، بەرھەم يەتمەك. بەرھەم يېمەك.

ئىسىم. دىئالېكت. پىچاق، قىڭراق قاتارلىق ئەسۋابلارنىڭ تىغ بىلەن دەستىسىنى تۇتاشتۇرۇپ تۇرغان قىسمى.

ئىسىم [ئەرەبچە] <تېبابەت> ئاقكېسەل.

سۈپەت [پارسچە] <يېزىق تىلى> ①كىيىمى تېنىنى ياپالمايدىغان. ②قىپيالىڭاچ، ئانىدىن تۇغما: شۇ جايدا 14 يىل تۇردى. ئېگىن-ئاياغلىرى چىرىپ بەرەھنە قالدى.

①ئىسىم <ئاناتومىيە> جانلىق ئورگانىزملارنىڭ تېنى ئىچىدىكى بەز ھۈجەيرىلىرىدىن تۈزۈلگەن ۋە بەلگىلىك دەرىجىدە خىمىيىۋى ماددىلارنى ئاجرىتىپ چىقىرالايدىغان توقۇلما: تەر بېزى. شۆلگەي بېزى.＊مۈشۈكنىڭ پۇلى يوق، بەزگە ئامراق (ماقال). ②ئىسىم. ئورگانىزمنىڭ ياللۇغلىنىشىدىن تومپىيىپ چىققان جاي: ئوغلۇم، تولا ئاقسىماي ماڭ، تېقىمىڭغا بەز چۈشۈپ قالمىسۇن يەنە. ③سۈپەت. كۆچمە مەنىدىكى سۆز. گەپ-سۆز تەسىر قىلمايدىغان، قاشاڭ، يۈزى قېلىن: بەز قۇلاق.＊تۇرسۇن ئاكامنىڭ بالىسى بىر بەز ئادەم بوپتۇ. ④سۈپەت. سۇ سىڭمەيدىغان، قاتمايدىغان ھەم يۇمشىمايدىغان: بەز تۇپراق. بەز لاي.

ئاچ كۆزلۈك، تەمەخورلۇق بىلەن: غۇلام: مانا ئەمدى ئالدىڭىزغا ئاش كەلگەندە، بەز مارىغان مۈشۈكتەك تۈگۈلۈپ ئولتۇرغىنىڭىز نېمىسى ؟-دېدى ئادىلغا.

لام-جىم دېمەي، ھېچقانداق ئىپادە بىلدۈرمەي:-نېمە بەز يېگەن مۈشۈكتەك قاراپ تۇرىسىز، گەپ قىلسىڭىزچۇ، – دېدى ئامىنە يولدىشى ئابلىمىتكە يىغلامسىراپ تۇرۇپ.

«بەزمەك» پېئىلىنىڭ مەجبۇرىي دەرىجىسى: سۆيدۈرگەنمۇ تىل، بەزدۈرگەنمۇ تىل (ماقال).

«بەزدۈرمەك» پېئىلىنىڭ ئۆملۈك دەرىجىسى.