«پاتماق» پېئىلىنىڭ مەجبۇرىي دەرىجىسى: سىز بۇ ئۆيگە يەنە بىر كارىۋات پاتقۇزۇڭ.

«پاتلىماق» پېئىلىنىڭ مەجبۇرىي دەرىجىسى: مەھەممەتتوختى ئاكام سەرگەز بېسىشقا 50 خامنى پاتلىتىپ قويدى.

«پاتلىماق» پېئىلىنىڭ ئۆملۈك دەرىجىسى: ئۇستىلار ئەتلەسنىڭ ئۆرۈش يىپلىرىنى پاتلاشقاندىن كېيىن ئۇنى چىڭ تارتىپ قۇرۇتۇشقا كىرىشتى.

«پاتلىماق» پېئىلىنىڭ مەجھۇل دەرىجىسى: ئۇ رەخت ياخشى پاتلاندى.

پېئىل. رەخت، يىپ، قەغەز قاتارلىقلارنى پاتقا چىلاپ قاتۇرۇپ، سىلىقلاپ پەردازلىماق؛ پات بەرمەك: رەختنى پاتلىماق.

پېئىل ①سۇيۇق، يۇمشاق نەرسىنىڭ ئىچىگە كىرمەك، چۆكمەك، مىلەنمەك: لايغا پاتماق. ②كۆچمە مەنىدىكى سۆز. غەرق بولماق، چۆكمەك: ياسىن قازى بىر پەس چوڭقۇر ئويغا پاتتى. ③قاتتىق بېسىمدىن ئىچىگە پۈكۈپ، يېرىپ ياكى سانجىلىپ كىرمەك: ئاياغقا تاش پاتماق. ④كۆچمە مەنىدىكى سۆز. قاتتىق تەگمەك، ئېغىر تۇيۇلماق: كۈندىن-كۈنگە جەبىرزۇلۇم كۆپىيىپ جېنىغا پېتىپتۇ. ⑤بىرەر ئىجابىي ھېستۇيغۇ ياكى سەلبىي روھىي ھالەتتە بولماق: كەنجى ئوغلىنىڭ دەردىدە ئاتا-ئانا مۇڭغا پېتىپتۇ. ⑥ئۇپۇققا يوشۇرۇنۇپ كۆزدىن غايىب بولماق: كۈن پاتتى. ⑦سىغماق؛ ماس، لايىق كەلمەك: تاغقا پاتمىغان ئۆچكە قازانغا پاتار(ماقال).

[پارسچە] ①مىقدار سۆز. 180 كىلوگرامدىن 300 كىلوگرامغىچە ياكى بىر پۇتتىن 11 پۇتقىچە بولغان ئېغىرلىق ئۆلچىمى. ②سۈپەت. كۆچمە مەنىدىكى سۆز. بىر تالاي، ھېسابسىز، نۇرغۇن، تولا، كۆپ، جىق: بىر پاتمان ئىش. بىر پاتمان گەپ.

ناھايىتى كۆپ؛ ناھايىتى ئېغىر؛ ناھايىتى كاتتا: تاغ باغرىدا پاتمان-پاتمان بۇلۇت پادىلىرى لەيلىشىپ يۈرەتتى.

رەۋىش. پاتمان-پاتمان مىقداردا: كېسەل پاتمانلاپ كىرەر، مىسقاللاپ چىقار (ماقال).

«پاتمانلاپ» سۆزىنىڭ تەكرارلىنىشى.

ئىسىم. <زوئولوگىيە> سۆرەلگۈچىلەر سىنىپىغا ۋە ئۇچقۇر كەسلەنچۈك ئائىلىسىگە كىرىدىغان ھايۋان، تۇتۇق قوڭۇر ياكى قارامتۇل رەڭدە بولىدۇ.

ئىسىم [پاتىمە+خوتۇن] ①ئاياللارغا مۇناسىپ بولغان ئىشلارنىمۇ قىلالمايدىغان، ھەتتا چاقمۇ ئېگىرەلمەيدىغان ئايال: پاتمىخوتۇننىڭ چاقىدەك. ②يېتىم ئاقساقىلى.