رەۋىش. «پالاق» قىلىپ ئاۋاز چىقارغان ھالدا، «پالاق» قىلىپ: كىتاب پالاققىدە يەرگە چۈشۈپ كەتتى.

«پالاقلىماق» پېئىلىنىڭ مەجبۇرىي دەرىجىسى: خوراز قانىتىنى پالاقلاتتى.

«پالاقلىماق» پېىلىنىڭ ئۆملۈك دەرىجىسى: كەپتەرلەر ئۈركۈشۈپ پالاقلاشتى.

پېئىل ①«پالاقپالاق» قىلغان ئاۋاز چىقارماق: ئۇ قاقاقلاپ كۈلۈۋىدى، كاتەك تەرەپتىن توخۇلارنىڭ پالاقلىغان ئاۋازى ئاڭلاندى. ②كۆچمە مەنىدىكى سۆز. بىرەر ئىشنىڭ كويىدا يۈرمەك، ھەرىكەت قىلماق، غېمىنى يېمەك، ئىزدەنمەك: نىزامىدىن كوللېكتىپ ئىشلىرى ئۈچۈن ئۇدا بىر يىل پالاقلاپ يۈردى.

ئىسىم. دىئالېكت. كامالەك، ياي.

[ئەرەبچە] ① ئىسىم. كىشىلەرنىڭ ئىختىيارىدىن، ئىرادىسىدىن تاشقىرى؛ ئۇشتۇمتۇت، كۈتۈلمىگەندە يۈز بېرىدىغان كۆڭۈلسىز ھادىسە؛ بەختسىزلىك؛ بالا-قازا؛ ئاپەت: پالاكەت باسماق. ＊خۇشال بولغاندا كۆزگە پالاكەت كۆرۈنمەس (ماقال). ②سۈپەت. كۆچمە مەنىدىكى سۆز. چاققان ئەمەس، لەقۋا، لايغەزەل، ئېپى يوق؛ كېلەڭسىز: ئايۇپ ئاكىنىڭ ئوغۇللىرى پالاكەترەك يىگىتلەردىن ئىدى.

ئىسىم. پالاكەت باسقان، پالاكەتكە يولۇققان ھالەت؛ پېشكەللىك، نەسلىك، بەختسىزلىك: ئۇ سېختىن قايتىۋېتىپ بۇ پالاكەتچىلىك ئۈستىگە كېلىپ قالغانىدى.

سۈپەت. پالاكىتى بار، پالاكەت باسقان، پالاكەتكە يولۇققان: ئۇ بۇ پالاكەتلىك دەۋانى قەيەرگە بېرىپ ئېيتالىسۇن؟

«پالاكەتلەشمەك» پېئىلىنىڭ مەجبۇرىي دەرىجىسى: چوڭ جۇۋا ئۇنى تېخىمۇ پالاكەتلەشتۈرىۋەتكەنىدى.

«پالاكەتلەشتۈرمەك» پېئىلىنىڭ مەجھۇل دەرىجىسى.

پېئىل. لەقۋا، لايغەزەل، كېلەڭسىز ھالەتكە كېلىپ قالماق: پاتقاق يولدا ماڭغانسېرى پالاكەتلىشىپ، پۇتۇمنى تەستە سۆرەپ كېلىۋاتاتتىم.

ئالماش [ئەرەبچە] سۆزلىگۈچىگە نامەلۇم بولغان ئادەم، نەرسىلەرنىڭ ئېنىقسىزلىقىنى بىلدۈرىدۇ: پالان ئادەم. پالان كۈن. پالان ۋاقىتتا.