①سۈپەت. پىننىسى بار، پىننە سېلىنغان. ②پىننە ئۆستۈرۈلگەن جاي، ئېتىز.

ئىسىم <بوتانىكا> كالپۇكسىمان گۈللۈكلەر ئائىسىدىكى كۆپ يىللىق سامان غوللۇق ئۆسۈملۈك. غول ۋە يوپۇرمىقى خۇشبۇي پۇرايدۇ؛ دورا قىلىنىدۇ، ئىسسىق ئۆتۈشنى، ھۆللۈكنى قايتۇرىدۇ، ئاشقازاننى ياخشىلاپ، قۇسۇشنى توختىتىدۇ.

سۈپەت [پارسچە] كىشىنىڭ نەزىرىدىن خالىي، كىشى نەزىرى ئاسان چۈشمەيدىغان، خىلۋەت، خالىي: پىنھان جاي. ②يوشۇرۇن، مەخپىي: قىز ماڭا قاراپ:-سەن بۇ يەردە كۆرگەنلىرىڭنىڭ ھەممىسىنى كىشىلەرگە ئېيتىپ يۈرمە!-دېدى. مەن:-ئەلۋەتتە پىنھان تۇتىمەن!-دېدىم.

سۈپەت. يوشۇرۇن، مەخپىي ھالەت؛ خالىيلىق.

①ئىسىم. تېرىق دېنىنىڭ سىرتقى پوستى، قاسىرىقى. ②سۈپەت. دان ئالالمىغان، پۈچەك: پىنە شال.

ئىسىم. نەشە: ساقى،-ھەي ئوغۇل بالىلار، پىنەك يوقمۇ، پىنەك! بولسا يۆگەشمەمسەن، تارتىشىۋالايلى!-دېدى.

[پارسچە] ①رەۋىش. قاتناش قورالىسىز، ئۇلاغسىز، ئۆز ئايىغى بىلەن، ياياق: پىيادە يۈرمەك. ＊ئاتلىق يالغۇز ماڭغۇچە، پىيادە بىللە ماڭ (ماقال). ②ئىسىم. كۆپلۈك قوشۇمچىسى بىللە كېلىپ قاتناش قورالىسىز، ئۇلاغسىز يول يۈرىدىغان كىشىنى بىلدۈرىدۇ: پىيادىلەر يولى.

ئىسىم [پارسچە] <بوتانىكا> يوپۇرمىقى نەيچىسىمان ئۇزۇن ئۆسىدىغان، ئاساسلىق مېۋىسى يەر ئاستىدا قاتقات تۈگىنەك بولىدىغان، تۈگىنىكى ۋە ياش يوپۇرمىقى كۆكتات قىلىنىدىغان ئۆسۈملۈك.

ئىسىم [پىياز+گۈل] <بوتانىكا> گۈلسامساق.

①سۈپەت. پىيىزى بار، پىياز تېرىلىدىغان: پىيازلىق يەر. ②ئىسىم. پىياز تېرىلىدىغان جاي، پىياز ئۆسكەن جاي: پىيازلىقتىن بىر باغلام پىياز ئېلىپ چىقتىم.

سۈپەت. پىيالىدەك، پىيالىغا ئوخشايدىغان.

ئىسىم [پارسچە <گرېكچە] تۈۋىدىن يۇقىرىغا قاراپ كېڭەيگەن، قورسىقى كىچىك بولىدىغان كىچىك چىنە؛ چاي چىنىسى (ئاساسەن چاي ئىچىش ئۈچۈن ئىشلىتىلىدۇ).