ئىسىم [رۇسچە] قوي يۇڭىدىن بېسىپ تەييارلىنىدىغان قونچلۇق قىشلىق ئاياغ كىيىمى: پىيما باسماق. ＊مەن پۇتۇمدا يوغان پىيما، ئۇچامدا ئۇزۇن جۇۋا، يوتامغىچە قار كەچكەن ھالدا ئېغىرېغىر قەدەم تاشلاپ كېتىۋاتىمەن.

ئىسىم. پىيما بېسىش ئىشى بىلەن شۇغۇللىنىدىغان، پىيما بېسىشنى كەسىپ قىلغان ئادەم:-دولقۇن خېلى ئۇستا پىيمىچى، دەپ ئاڭلىدىم-دېدى ئايشەم دولقۇنغا قاراپ كۈلۈپ.

ئىسىم. پىيما بېسىش ئىشى، كەسپى: ئەھمەدئاخۇننىڭ پىيمىچىلىق بىلەن شۇغۇللانغىنىغا توپتوغرا يىگىرمە يىل بولۇپ قالدى.

سۈپەت. پىيمىسى بار، پىيما كىيگەن: پاكار چانىنى چاپتۇرۇپ كېتىۋاتقان پىيمىلىق كىشى قېتىپ كەتكەن ئايىغىنى ساڭگىلىتىپ ئۇلارنىڭ يېنىدىن ئۆتتى.

كېلىشەلمەسلىك، چىقىشالماسلىق، پېتىشالماسلىق.

ئىككى خىيالدا، تازا پىشمىغان، ئارىسالدى ھالەتتە: ھەي! بۇ ئىشنىڭ پىيىزى گىچ-گىچ جۇمۇ، شۇڭا مەن تازا ئىشەنچ قىلالمايۋاتىمەن.

ئىسىم <بوتانىكا> قىياق ئائىلىسىدىكى كۆپ يىللىق سامان غوللۇق ئۆسۈملۈك. تۈگۈنەك غولىدا كراخمال بولىدۇ، ھاراق ئېچىتىشقا بولىدۇ؛ غولى قەغەز ياساشقا ئىشلىتىلىدۇ؛ تۈگۈنەك غولى دورا قىلىنىدۇ، قاننى ماڭغۇزۇپ خۇننى راۋان قىلىش، ھەزىم قىلىشقا ياردەم بېرىش، يەلنى تارقىتىش رولىغا ئىگە.

تەقلىد سۆز. بىرنەرسىنىڭ تۆۋەندىن يۇقىرىغا تېز، يەڭگىل ئۆرلەپ چىقىش ھالىتى: ئەخەتنىڭ ئۇرغان توپى «پىڭ» قىلىپ يۇقىرى ئۆرلىدى-دە، سىرتقا چىقىپ كەتتى.

«پىڭ» سۆزىنىڭ تەكرارلىنىشى: ئەمەت يىراقتىن دادىسىنىڭ قارىسىنى كۆرۈپ «پىڭ-پىڭ» يۈگۈرگەن پېتى ئالدىغا باردى.

«پىڭىلدىماق» پېئىلىنىڭ ئۆملۈك دەرىجىسى: ئاپرېلنىڭ ئاخىرى، يېزا بالىلىرى يالاڭ ئاياغ بولۇۋېلىپ، توپىلىق يەرلەردە پىڭىلدىشىپ يۈگۈرۈپ ۋەللەي ئوينىماقتا ئىدى.

پېئىل. «پىڭپىڭ» قىلغان ھالدا تېز ھەرىكەت قىلماق: ئاتلىق كىشى بالىغا كۈلۈمسىرەپ قارىغانىدى، ئۇ بىردىنلا تونۇپ قالدىدە، كەينىگە قاراپ پىڭىلداپ يۈگۈرگىنىچە ۋارقىرىدى.

رەۋىش. «پىڭ» قىلغان ھالدا، ناھايىتى تېز: ئۆمەر بىر توپ كىشىلەرنىڭ كېلىۋاتقانلىقىنى كۆرۈپ، خۇددى سادىن ئۈركۈگەن چۆجىدەك پىڭڭىدە يۈگۈرۈپ ئۆيىگە كىرىپ كەتتى.