«پۇختىلىماق» پېئىلىنىڭ مەجھۇل دەرىجىسى: پارتىزانلار تۈزۈشتى پىلاننىمۇ باشقىچە، پۇختىلاندى بۇ جەڭنىڭ تەييارلىقى تاڭغىچە.

ئىسىم. پۇختا ھالەت: ئىشنى پۇختىلىق بىلەن قىلماق. ＊يىگىت ئەسكەرلىرىنى پۇختىلىق بىلەن جەڭگە تەييارلاپتۇ.

پېئىل. پۇختا، چىڭ، مۇكەممەل قىلماق؛ مۇستەھكەملىمەك؛ پىششىقلىماق: قاشنى پۇختىلىماق. ＊بوۋاي پۇل يىغىپ تاشۋاينىڭ توي تەييارلىقىنىمۇ پۇختىلىيالىسام دەپ ئويلايتتى.

«پۇر» سۆزىنىڭ تەكرارلىنىشى.

①تەقلىد سۆز. قۇشلار ئۇچقان چاغدا قانىتىنىڭ ھاۋادا ھەرىكەتلىنىشىدىن ھاسىل بولغان ئاۋاز: ئۈزۈمگە قونغان بىر توپ قۇشقاچلار «پۇر» قىلىپ ئۇچۇپ كەتتى. ②رەۋىش [پارسچە] تولغان، تارقالغان، يېيىلغان، بىركەلگەن ھالەت: ئالەمگە پۇر كەتمەك.

①«پۇرىماق» پېئىلىنىڭ مەجبۇرىي دەرىجىسى: گۆشنى پۇرىتىپ قويماق. ياغ پۇراتماق. ②كۆچمە مەنىدىكى سۆز. ئۆزىنىڭ قارشى تەرەپكە دېمەكچى بولغىنىنى ئەسكەرتمەك، شەپە بەرمەك، دارىتماق: ئۇ ئاخىرىدا ئىقتىسادىي ئىشلارنى ئالاھىدە پۇراتتى.

پېئىل. پۇراش قاتارلىق ئىشلارنى قىلماق: ئاپشاركا چىغلارنى پۇراشتۇرۇپ، تىللىرىنى چىقىرىپ ئاتنىڭ ئالدىدا يول باشلاپ ماڭماقتا ئىدى.

«پۇرىماق» پېئىلىنىڭ ئۆملۈك دەرىجىسى: ئاپتوموبىل ئەتراپىدا تۇرغانلارنىڭ ھەممىسى ماتور ھەرىكەتلەنگەندىكى كۆيگەن بېنزىننىڭ سېسىق ھىدىنى پۇراشتى.

ئىسىم ①پۇراش سېزىمى ئارقىلىق سېزىلگەن ھەر خىل ھىد: مەززىلىك پۇراق. سېسىق پۇراق. ②كۆچمە مەنىدىكى سۆز. ئالامەت، بەلگە، شەپە: ئۇ كىشىنىڭ سۆز-ھەرىكىتىدىن ئەمەلدارلىق پۇراق چىقىپ تۇراتتى. ③كۆچمە مەنىدىكى سۆز. سۆزدە، ناخشا، مۇزىكا قاتارلىقلاردا ئۆزگىچە بىلىنىپ تۇرىدىغان ئالاھىدىلىك، خۇسۇسىيەت؛ ئۇسلۇب: مەتتۇرسۇننىڭ تەلەپپۇزىدىن خوتەن تىلى دىئالكېتىنىڭ پۇرىقى چىقىپلا تۇرىدۇ.

سۈپەت. پۇرىقى يوق، پۇرىقى بولمىغان: چۆللەردە ياشنىغان يانتاقنىڭ ئەمما، شېكىرى كېسەلگە بولىدۇ داۋا. پۇراقسىز گۈل بولۇپ باغدا ئۆسكەندىن، چۆلدىكى يانتاقتەك ياشىغان ئەلا.

سۈپەت. پۇرىقى بار، پۇراپ تۇرىدىغان: خۇش پۇراقلىق گۈل. *-يېزىلاردا ئورما ئاللىقاچان باشلىنىپ كەتتى،-دېدى ۋالىي پۇراقلىق چايدىن بىر يۇتۇم ئىچىپ تۇرۇپ.

ئىسىم. دىئالېكت. پۇرسەت، ۋاقىت.