«پىتىرلىماق» پېئىلىنىڭ ئۆملۈك دەرىجىسى: يېتىپ كەلدى بىرپەستە شىۋىرلىشىپ، بېسىپ كىردى ھەم ئۆيگە پىتىرلىشىپ. ھەممىسىلا ئېتىلدى قاسىم جانغا، يار ئىشقىدا پەرھاتتەك باغرى قانغا.

«پىچاقلىماق» پېئىلىنىڭ مەجھۇل دەرىجىسى: ئىشىكتە ئۆزى يالغۇز پوستتا تۇرغان قاراۋۇل قاراقچىلار تەرىپىدىن پىچاقلاندى.

ئىسىم. مەخسۇس كىيىم-كېچەك لايىھىلەپ پىچىدىغان ئادەم؛ كېسىمچى: سەيدىنقارى باش پىچىمچى ئۇستاملارغا مىننەتدارلىق بىلدۈردى.

ئىسىم. بىرەر كىشى، ئىش-ھەرىكەت ياكى ئىدىيىگە سادىقلىق بىلەن بېرىلىش: قولۇڭغا قورال چىقىپ قاپتۇ، سەنمۇ پىدائىيلىققا يېزىلدىڭمۇ نېمە-دەپ سورىدى رۇستەم قادىردىن.

رەۋىش. «پىر» قىلغان ھالدا، «پىر» قىلىپ: رەيھاننىڭ بېشى پىررىدە قىلىپ ئايلىنىپ، كۆزىگە قاراڭغۇلۇق تىقىلدى.

ئىسىم [پارسچە، ئەرەبچە] <دىن> دىنىي جەھەتتە كامالەتكە يەتكەن، يېتىشكەن، تولغان، پىر، ئۇستاز: كەمپىر نەئىمىنىڭ ئانىسىغا يېلىنىپ:-قىزىڭغا ئۇلۇغلارنىڭ، پىركامىللارنىڭ دۇئاسىنى ئېلىپ بېرەي دەيمەن،-دەپ ئانىسىنى ئالداپ قىزنى ئاچىقىپ كېتىپتۇ.

تەقلىد سۆز. تار ھەم كىچىك تۆشۈكچىدىن ھاۋا، يەل، گاز چىققاندا ياكى چوغقا سۇ سېپىلگەندە ۋە شۇنداق ھاللاردا چىققان ئاۋاز: ۋېلىسىپىتنىڭ «پىس» قىلىپ يېلى چىقىپ كەتتى.

«پىسىلدىماق» پېئىلىنىڭ ئۆملۈك دەرىجىسى: قارلىغاچ بالىسى گويا قېرىندىشى ئۈچۈن قايغۇرۇۋاتقاندەك، باشلىرىنى پەسكە ساڭگىلاتقان ھالدا پىسىلدىشاتتى.

«پىششىقلىماق» پېئىلىنىڭ مەجھۇل دەرىجىسى: رۇستەم ئادەت بويىچە ئىشلەپ قاتتىق تاپشۇرۇق، پىششىقلىنىپ دەرسى تاپتى كۆڭلى ئارام، زوق.

ئىسىم [پارسچە] <يېزىق تىلى> قاتتىق خاپا بولۇش ۋە ئىچ پۇشۇقتىن كېلىپ چىققان نالە-پەرياد، ھەسرەت، دەردەلەم، يىغا: پىغان چەكمەك. ＊تۆكۈلۈپتۇ يامغۇردەك ئۇ كىشىنىڭ ياشلىرى. پىغانىدىن ئېرىپتۇ ھەتتا تاغنىڭ تاشلىرى.

ئىسىم [ئەرەبچە<پارسچە] <زوئولوگىيە> قۇرۇقلۇقتىكى ئەڭ چوڭ سۈت ئەمگۈچى ھايۋان. مەملىكىتىمىزنىڭ يۈننەن ئۆلكىسىنىڭ جەنۇبى، ھىندىستان، ئافرىقا قاتارلىق ئىسسىق بەلۋاغ يەرلىرىدە ياشايدۇ. ②تەقلىد سۆز. چىراغنىڭ كۆيۈۋاتقان چاغدىكى ھالىتى: چىراغپايدىكى قارا چىراغ «پىل» قىلىپ ئۆچۈپ قالدى.

ئىسىم [پارسچە] دوپپىنىڭ تۆپىلىكى بىلەن ئەستىرى ئارىسىغا ياكى تونلارنىڭ قىرىغا پىلىك شەكلىدە قىلىپ بېرىلىدىغان پاختا ياكى قەغەز. ②پارتلىتىش بومبىلىرىنىڭ ئوت ئېلىش نۇقتىسىغا ئورۇنلاشتۇرۇلغان ئىنچىكە بوغقۇچ، يىپ: پىلتىغا ئوت ياقماق. ③سۇيۇقئاش، لەڭمەنگە ئوخشاش غىزالاردا، ئاۋۋال يوغانلىقى تەخمىنەن بارماقتەك قىلىپ، سىرتىغا سۇ مېيى سۈركەپ راسلىنىدىغان خېمىر: خېمىرنى پىلتا قىلماق.