①ئىسىم. بىر ئۇچى چىراغنىڭ يېغىغا چىلىنىپ تۇرىدىغان، يەنە بىر ئۇچىغا ئوت يېقىلىدىغان، پاختىدىن ئېشىلگەن ياكى ماتادىن تىكىلگەن بۇيۇم: چىراغ پىلىكى. شام پىلىكى. ②سۈپەت. كۆچمە مەنىدىكى سۆز. يۇمشاق، بوش، ياۋاش: ئۇنىڭدىن غەم يېمە،-دېدى زاھىر ماڭا،-ئۇ 51 كۈنلۈك تۇتۇپ تۇرۇشتىن چىققاندىن كېيىن پىلىك بولۇپ كەتتى.

ئىسىم. ئارىسىغا پاختا ياكى تېرە ئېلىنىدىغان، يېڭى ۋە ياقىسى يوق، قىسقا كىيىم؛جىلىتكە: تۇرسۇن سوكنادىن تاشلانغان، بورسۇق تېرىسىدىن تىكىلگەن پىنجەك كىيىۋالغانىدى.

ئىسىم [پارسچە <گرېكچە] تۈۋىدىن يۇقىرىغا قاراپ كېڭەيگەن، قورسىقى كىچىك بولىدىغان كىچىك چىنە؛ چاي چىنىسى (ئاساسەن چاي ئىچىش ئۈچۈن ئىشلىتىلىدۇ).

ئىسىم [رۇسچە+پارسچە] مەخسۇس پىۋا ساتىدىغان ۋە كىشىلەر سېتىۋالغان پىۋىسىنى ئىچىدىغان دۇكان.

«پۇتىماق» پېئىلىنىڭ ئۆملۈك دەرىجىسى: ئىپارگۈل چوڭ ئاپىلىرىنىڭ ئۆيىگە بېرىپ ئۈزۈم يوپۇرماقلىرىنى پۇتىشىپ بەردى.

پېئىل. دەل-دەرەخلەر ۋە بەزى ئۆسۈملۈكلەرنىڭ كېرەكسىز شاخ-شۇمبىلىرىنى كېسىۋەتمەك: ئۇ ئەتىگەنلىك چايغا كەلگۈچە سالىنىڭ قارىياغاچ ۋە سۆگەتلىرىدىن ئىككى ۈچ سېۋەتلىك شۇڭ پۇتىۋالدى.

سۈپەت ①ئىچى بوش، مېغىز ئالالمىغان، مېغىزى يىگىلەپ كەتكەن؛ مېغىزى تولمىغان: پۇچەك دان. پۇچەك بۇغداي. پۇچەك ئۇرۇق. پۇچەك ياڭاق. ②كۆچمە مەنىدىكى سۆز. ھېچ نەرسىگە ئەرزىمەيدىغان، تايىنى يوق، قۇرۇق: سادىقجان جوزىغا مۇشتلاپ، ۋارقىراپ، تۇتۇرۇقسىز پۇچەك گەپلەرنى قىلىشقا باشلىدى.

«پۇرىماق» پېئىلىنىڭ ئۆملۈك دەرىجىسى: ئاپتوموبىل ئەتراپىدا تۇرغانلارنىڭ ھەممىسى ماتور ھەرىكەتلەنگەندىكى كۆيگەن بېنزىننىڭ سېسىق ھىدىنى پۇراشتى.

پېئىل. ئىس-تۈتەك، پار ۋە شۇنىڭغا ئوخشاش گاز ھالىتىدىكى ماددىلار «پۇر-پۇر» قىلىپ كۆتۈرۈلمەك، ئۆرلىمەك: يېڭى سېلىنغان ئۆينىڭ تۇرخۇنىدىن پۇرقىراپ ئىس چىقىشقا باشلىدى.

پېئىل ①زوۋۇلا قىلىنغان خېمىرنى پۇزا بىلەن ئاچماق: خېمىرنى پۇزىلىماق. ②پۇزىنى ئاياغ كىيىمىگە سۈرتۈپ سىلىقلاتماق، پارقىراتماق: ئۆتۈكنى پۇزىلىماق.

تەقلىد سۆز ①ئادەم ۋە بەزى ھايۋانلارنىڭ ھاسىراپ تىنىشىدىن ھاسىل بولغان ئاۋاز: پۇش قىلىپ ھاسىرىماق. ②پار ياكى قايناق سۇنىڭ مەلۇم تۆشۈكتىن بېسىم بىلەن ئېتىلىپ چىقىشىدىن ھاسىل بولغان ئاۋاز: پويىز بېكەتكە يېتىپ كېلىپ توختىشى بىلەن تەڭ «پۇش» قىلىپ پار قويۇپ بەردى.

«پۇشماق» پېئىلىنىڭ مەجبۇرىي دەرىجىسى:-بولدى، بولدى يىگىتۋېشى، ئىچىڭىزنى تولا پۇشۇرماڭ،-دېدى مۇھەممەتكېرىم خۇشامەت بىلەن ھىجىيىپ تۇرۇپ توختىنىيازغا.