ئىسىم [ئالتۇن+شاخ] <بوتانىكا> مۇرەككەپ گۈللۈكلەر ئائىلىسىگە كىرىدىغان كۆپ يىللىق، سامان غوللۇق ئۆسۈملۈك. گۈلى سېرىق رەڭدە بولۇپ، كۈزدە ئېچىلىدۇ. مەنزىرە ئۆسۈملۈكى ئورنىدا ئىشلىتىلىدۇ. پۈتۈن تېنىدىن سېرىق رەڭ بوياق ئايرىشقا ۋە دورا ياساشقا بولىدۇ. دورىسىنىڭ تەبىئىتى سوغۇق، تەمى چۈچۈمەل بولۇپ، ئىسسىقلىق، زەھەر ۋە ئىششىق قايتۇرىدۇ. گال ئاغرىقى، زۇكامدىن قىزىش ۋە يارا-جاراھەت قاتارلىق كېسەللەرنى داۋالاشتا ئىشلىتىلىدۇ.

ئىسىم. ئالتىنچى ئورۇن، دەرىجە: ئالتىنچىلىككە ئېرىشمەك.

ساناق سان. تەرتىپى بەشىنچىدىن كېيىن يەتتىنچىدىن ئىلگىرى بولغان: ئالتىنچى ئاي. ئالتىنچى رەت.

سۈپەت. ئۈستىگە «6» بەلگىسى چۈشۈرۈلگەن؛ «6» ئۆلچەم قىلىنغان: ئالتىلىك تاپان.

سۈپەت [ئالتە+ئاتار] ئالتە تال ئوق يەيدىغان، ئالتە ئوقلۇق: ئالتىئاتار تاپانچا.

ئىسىم [رۇسچە] <تەنتەربىيە> تاغ چوققىلىرىغا ۋە مۇز تاغلارغا چىقىش سپورتى بىلەن شۇغۇللىنىدىغان تەنھەرىكەتچى.

ئىسىم [رۇسچە] <تەنتەربىيە> تاغ چوققىلىرىغا، مۇز تاغلارغا چىقىش سپورتى.

سۈپەت. ئالبومى بار، ئالبومغا ئىگە بولغان.

ئىسىم [رۇسچە<فرانسۇزچە>] خاتىرە ئۈچۈن چۈشكەن فوتو سۈرەتلەر، ئاتكىرىتكىلار ياكى ھەر خىل ماركىلار توپلام قىلىپ چاپلانغان قېلىن مۇقاۋىلىق دەپتەر.

①سۈپەت. ئالبانلارغا، ئالبان خەلقى ۋە مەدەنىيىتىگە ئائىت، ئالبان خەلقىگە خاس: ئالبانچە ئۇسسۇل، ئالبانچە ئادەت. ②ئىسىم. ئالبان تىلى ياكى يېزىقى: ئالبانچە سۆزلىمەك.

ئىسىم <ئىرق> شۇ نام بىلەن ئاتالغان مىللەت ۋە شۇ مىللەتكە مەنسۇپ كىشى. ئۇلار ئالبانىيە دۆلىتىنىڭ ئاساسىي ئاھالىسىنى تەشكىل قىلىدۇ.

سۈپەت [ئەرەبچە] ①باشقىلاردىن پەرقلىق، ئايرىم: ئالاھىدە تاۋارلار. -بۇ ئاتلار ئالاھىدە بېقىلىدىغان ئاتلار بولۇپ، خالىغان جايدا ئوتلىشى شەرت ئىدى. ②ئۆزىگە خاس، مەخسۇس: ژۇرنالنىڭ ئالاھىدە سانى. -ئۇكام غالىبجان، مەن سىزنى ئالاھىدە يوقلاپ كەلدىم.