«ئەسلىمەك» پېئىلىنىڭ ئۆملۈك دەرىجىسى: ئۇلار ئۆتكەنكى ئىشلارنى ھاياجان بىلەن ئەسلەشتى.

ئىسىم [ئەرەبچە]. ئىلغا: كىرپىكىمنى شۇ يار ئۈچۈن يىڭنە قىلىمەن، شۇ ئەسۋىنى توختاڭلار ئۆزۈم ئىلىمەن.

سۈپەت. ئېشىپ ياسالغان، ئېشىپ تورلانغان، ئېشىلگەن: ئەشمە چاچ. ئەشمە يىپ. ئەشمە قۇيماق.

ئىسىم [ئەرەبچە] ①چىن كۆڭۈلدىن مۇئەييەنلەشتۈرۈلگەن پىكىر، ئىشەنچ: رەيھان سادىقنىڭ ئۆز ئەقىدىسى يولىدا جان پىدا قىلىشتىن يانمايدىغان قەتئىي، تەلەپچان، يۈكسەك غايىلىك ئەر ئىكەنلىكىدىن كۆڭلى ئەمىن ئىدى. ②بىرەر نەرسە توغرىسىدا شەكىللەنگەن ھۆرمەتلەش ۋە ياخشى كۆرۈش ئادىتى، ئېتىقاد: ئايرىلغانغا ئۆلمەيمەن. ئەقىدەمگە يىغلايمەن. ③ئىشەنچ ۋە ئېتىقادقا ئاساسەن شەك يوق دەپ قارالغان قائىدە ۋە ھۆكۈملەر: رەيھان ئورنىدىن تۇرۇپ، خۇددى دىنىي ئەقىدىنى يادلاۋاتقاندەك، سالماقلىق بىلەن جاۋاب بەردى.

رەۋىش. ئەڭ ئاددىيسى، ھېچبولمىغاندا: شۇنداق بولسىمۇ كىچىكئاخۇننىڭ سۆزىدە ياكى ھەرىكىتىدە، ئەقەللىيسى چىراي ھالىتىدە بولسىمۇ، زەررىچە نارازىلىق، قارشىلىق ئىپادىسىنى تاپقىلى بولمايتتى.

ئىسىم. ئەكسىلھەرىكەت تەرەپدارى، ئەكسىلھەرىكەت بىلەن شۇغۇللانغۇچى.

«ئەكەتمەك» پېئىلىنىڭ مەجبۇرىي دەرىجىسى: سىز دەرھال بۇلارنىڭ ئەسكى-تۈسكىلىرىنى ئەكەتكۈزۈۋېتىڭ.

پېئىل ①ئېگىلگەن ھالەتكە كەلتۈرمەك، ئەگرى قىلماق: قولنى ئەگمەك. شاخنى ئەگمەك. ②پۈكمەك، مۈكچەيمەك: نۇر بوۋاي ئۆتمۈشتە دەرد-ئەلەم چەككەن، زۇلۇمنىڭ تاغلىرى قەددىنى ئەگكەن.

«ئەگەشتۈرمەك» پېئىلىنىڭ مەجھۇل دەرىجىسى: شۇ چاغدا ھويلىغا ئەگەشتۈرۈلۈپ كىرگەن ئەسئەت قىزاردى ۋە ھېچقاچان كۆرۈلۈپ باقمىغان دەرىجىدە ھودۇقتى.

ئىسىم. تۇغۇلۇپ بىر ئايغىچە ئارىلىقتا سويۇلغان قوزىنىڭ تېرىسى: ئۇ بېشىغا كۇچا كۆرپىسىدە تىكىلگەن چىرايلىق قۇلاقچا، ئۈستىگە ئەلتېرە ياقا تۇتۇلغان سوكنا چاپان كىيىۋالغانىدى.

①سۈپەت. بىرەر ئەلگە مەنسۇپ، بىرەر مەملىكەتكە تەۋە: چەت ئەللىك مۇخبىر. ②سان. ئوننىڭ بەش قېتىم قوشۇلۇشىدىن ھاسىل بولغان سان: ئەللىك ياش.

ئىسىم [ئەل+ياتقۇ] ئەل ئايىغى بېسىققان، ئەل ياتىدىغان ۋاقىت: بىز ئەلياتقۇدا شەھەرگە يېتىپ كەلدۇق.