سۈپەت [پارسچە] ئارزۇ قىلغۇچى، ئىستىگۈچى، ئىنتىزار: مەن خېلىدىن بېرى ئۇنى بىر كۆرۈشكە ئارزۇمەن بولۇپ يۈرەتتىم.

سۈپەت ①كۆپتىن بېرى ئارزۇلاپ كەلگەن، ئارزۇلاپ كۈتۈلگەن؛ كۆڭۈلدىكى: ئاتا-ئانا ئارزۇلۇق يالغۇز قىزىنى ئۆز جانلىرىدىمۇ ئارتۇق كۆرەتتى. ②ئارزۇلار بىلەن تولۇپ تاشقان، ئارزۇسى بار: ئارزۇلۇق دۇنيا.

پېئىل ①ئارزۇ قىلماق، ئۈمىد قىلماق: بۇنى بىز ئەمەس، نەچچە ئەۋلاد كىشىلەر ئارزۇ قىلىشقان. ھەتتا بۆشۈكتىكى كىچىك بالىلارمۇ ئۇنى ئارزۇلايدۇ. ②ياخشى كۆرمەك، ئامراق بولماق، ھەۋىسى كەلمەك: يىگىتنىڭ بېشىدا چىمەن دوپپا، ئۇچىسىدا ھازىرقى يىگىتلەر ئارزۇلاپ كىيىدىغان خۇرۇم چاپان بار ئىدى .③ئاسرىماق، پەپىلىمەك، ئەركىلەتمەك: زورىخان مايسەمنى ئارزۇلاپ، سۇنىڭ سۈزۈكىنى، ئاشنىڭ قويۇقىنى بېرىپ، قولدىن چۈشۈرمەي چوڭ قىلدى.

سۈپەت. ئارزۇ-ئۈمىدى يوق، ئارزۇ قىلمىغان؛ ئارزۇلانمىغان ياكى ئارزۇلانمايدىغان: دۇنيادا ھېچقانداق ئارزۇسىز ئادەم بولمىسا كېرەك.

دىلدىكى ئارزۇ، نىيەت ۋە مەقسەتلەر: ئۇ مەندىن:-دەسلەپكى ئارزۇ نىيەتلىرىڭىزنى تۇيۇقسىز ئۆزگەرتىۋېتىشكە نېمە مەجبۇر قىلدى؟-دەپ سورىدى.

ئارزۇ ۋە شۇ ئارزۇ ھەققىدە قىلغان خىياللار، ئويلىنىشلار: بىر جۈپ ياش كۆل بويىدا ئولتۇرۇپ، ئۆزلىرىنىڭ ئارزۇ-خىياللىرى ئۈستىدە ئۇزاق مۇڭداشتى.

دىلدىكى ئارزۇ ۋە تەلەپلەر: ئەزەم ئاكا ياشلارنىڭمۇ ئۆزىگە لايىق ئارزۇ-تەلەپلىرى بارلىقىنى نېمىشقىمۇ چۈشەنمەيدىغاندۇ.

دىلدىكى ئارزۇ ۋە تىلەكلەر: ئۇ ئۆزىنىڭ ئارزۇ-تىلەكلىرىنى خەتكە ئېنىق قىلىپ يازدى.

دىلدىكى ئارزۇ ئىستەكلەر: سەن ئۇلارنى ھەربىر ئويلىغىنىڭدا ئۇلارنىڭ ئارزۇ-ئۈمىدلىرى، ئوتلۇق تىلەكلىرى ساڭا كۈچ ۋە دەرمان بېغىشلاپ، ئالدىڭدا پارلاق تاڭ ئېتىۋاتقاندەك يورۇقلۇق سېزىسەن.

دىلدىكى ئارزۇ ۋە ئىستەكلەر: ئۇ ئۆز ئەسەرلىرىدە ئەمگەكچى خەلقنىڭ قايغۇ-ھەسرەت ۋە ئارزۇ-ئىستەكلىرىنى ئىنتايىن تەسىرلىك ئەكس ئەتتۈرۈپ بەرگەن.

دىلدىكى ئارزۇ ۋە ئارمانلار: ئالەم ئارزۇ-ئارمان قۇچىقىدا ياشنايدۇ.

ئىسىم [پارسچە] دىلدىكى ئىستەك؛ ئۈمىد، ئىنتىلىش، ھەۋەس: ئارزۇ قىلماق.＊بىر ئارزۇ ئون ئارزۇنى تۇغىدۇ (ماقال).