پېئىل. ئەنئەنىۋى ئادەت بويىچە بىراۋنىڭ ئېچى كىرىپ قالغان كىشىدىكى ئاچنى چىقىرىش ئۈچۈن سەرەڭگە، نان قاتارلىق نەرسىلەر بىلەن شۇ كىشىنى بەلگىلىك ئەنئەنىۋى ئادەتلەر ئاساسىدا تۈرتۈپ-نوقۇلاپ، ئاچنى چىقارماق، بىراۋنىڭ ئېچى كىرىپ قالغان كىشىنى داۋالىماق.

ئىسىم. قورسىقى ئاچ ھالەت، ئاچ قالغان، تويمىغان ھالەت، تويماسلىق: ئاچلىقتا تۇتقان قاچاڭنى توقلۇقتا ئۇنتۇما (ماقال).

ئىسىم. بىراۋنىڭ ئېچى كىرىپ قالغان كىشىنى ئاچلاپ داۋالايدىغان كىشى، ئاچنى چىقىرىش ئۈچۈن ئاچلىغۇچى كىشى.

«ئاچلىماق» پېئىلىنىڭ ئۆملۈك دەرىجىسى.

«ئاچلىماق» پېئىلىنىڭ مەجبۇرىي دەرىجىسى.

سۈپەت ①ئاچقۇچى بار: ئۈچ ئاچقۇچلۇق قۇلۇپ. ②كۆچمە مەنىلىك سۆز. بىرەر ئىشنى بىر تەرەپ قىلىشتا، ھەل قىلغۇچ رول ئوينايدىغان، ئاساسلىق مۇھىم: ئاچقۇچلۇق پەيت.

ئىسىم ①قۇلۇپنى ئېچىش ئۈچۈن ئىشلىتىلىدىغان مېتال ئەسۋاب: جامى سەكرەپ چۈشۈپ ئاچقۇچ بىلەن ئىت كاللىسىدەك يوغان ئورۇس قۇلۇپىنى ئاچتى. ②<ماشىنىسازلىق> بىرەر مېخانىزمنى بۇراپ يۈرگۈزۈش، ھەرىكەتلەندۈرۈش، ئىشقا چۈشۈرۈش ئۈچۈن ئىشلىتىلىدىغان مېتال ئەسۋاب: ئاپتوموبىل ئاچقۇچى. تام سائىتىنىڭ ئاچقۇچى .③كۆچمە مەنىلىك سۆز. بىرەر ئىشنى بىر تەرەپ قىلىشتا، ھەل قىلغۇچ رول ئوينايدىغان ئىجابىي ئامىل؛ چارە، تەدبىر: تۆتنى زامانىۋىلاشتۇرۇشنىڭ ئاچقۇچى-پەن-تېخنىكىنى زامانىۋىلاشتۇرۇش. ④كۆچمە مەنىلىك سۆز <مەتبۇئاتچىلىق> لۇغەتلەردە زۆرۈر تېپىلغان سۆزلەرنى ئىزدەشتە قوللىنىدىغان جەدۋەل، گرافا: لۇغەتنىڭ ئاچقۇچى.

پېئىل. ئاچچىقى كەلمەك، خاپا بولماق: ئۇ مېنىڭ شەھەرگە ئالدىرىغانلىقىمنى ئاڭلاپ، بۇ يەردە بىرقانچە كۈن تۇرمىساڭ بولمايدۇ، دەپ ئاچچىقلاپ تۇرۇۋالدى.

ئىسىم. ئاچچىق بولغان ھالەت، ئاچچىق بولۇش: ئاچچىقلىق تۇزنىڭ ئوبيېكتىپ خۇسۇسىيىتىنىڭ سۇبيېكتىپ ئىپادىسى.

«ئاچچىقلىماق» پېئىلىنىڭ ئۆزلۈك دەرىجىسى: خۇرشىدىخان مەنسۇردىن ئۆتە ئاچچىقلىنىپ، ئۆينىڭ ئىچىدە خۇددى مۇكىدەك ئۇياقتىن، بۇ ياققا ماڭاتتى.

«ئاچچىقلىماق» پېئىلىنىڭ ئۆملۈك دەرىجىسى: ئۇلار بالا ئارىسىغا كىرىپ بىر بىرى بىلەن ئاچچىقلىشىپ قالدى.

ئىسىم [ئاچچىق+سۇ] <يېمەكلىك> تېتىتقۇ قىلىنىدىغان چۈچۈمەل سۇيۇقلۇق. گۈرۈچ، بۇغداي ،قىزىل قوناق قاتارلىقلارنى ئېچىتىش ئارقىلىق ئىشلىنىدۇ.