سۈپەت. يۇمشاقلىق، ئېلاستىكلىق، ئېگىلىشچانلىق: بۇ مەزگىلدە ئۆسمۈرلەرنىڭ ھەرىكەت پائالىيەتلىرىدىكى ئەۋرىشىملىك چوڭ بولىدۇ.

[پارسچە] ①ئىسىم. يىپەك، مەشۈت. ②سۈپەت. كۆچمە مەنىلىك سۆز. ئېگىلىشچان، نازۇك، زىلۋا: ئەۋرىشىم بوي.＊ئەرنىڭ كۆڭلى ئەۋرىشىم (ماقال).

ئىسىم. ئۈلگە قىلىنىدىغان بۇيۇم؛ ئۆرنەك، نۇسخا: مال ئەۋرىشكىسى.

سۈپەت. ئەۋرىشكىسى بار، ئەۋرىشكە قىلىشقا تەييارلانغان: ئەۋرىشكىلىك مال.

سۈپەت. ئەۋجىگە چىققان، يۇقىرى پەللىگە يەتكەن: تېيىپجان ئېلىيېۋ قاتارلىق شائىرلارنىڭ بۇ ھەقتىكى شېئىرلىرىدىن رومال ئۇسسۇلىنىڭ ئەۋجلىك، لىرىك ئۇسسۇل ئىكەنلىكىنى بىلىۋالالايمىز.

ئىسىم [ئەرەبچە] ①كۈچىيىش، زورىيىش، يۇقىرى كۆتۈرۈلۈش: ئەۋج ئالماق. ②يۇقىرى پەللە: ناخشىنىڭ يۇقىرى ئەۋجى. // ئەۋجىگە چىقماق.

ئىسىم [ئەرەبچە] <بوتانىكا> سېرىق چاي ئائىلىسىدىكى كۆپ يىللىق، سامان غوللۇق ئۆسۈملۈك. مېۋىسى غوزا شەكلىدە، ئۇرۇقى كۆپ، قارامتۇل پور رەڭدە بولىدۇ؛ پۈتۈن تېنى دورا قىلىنىدۇ. ئۇنىڭ ئىسسىقنى تارقىتىش، زەھەرنى قايتۇرۇش، ئىششىقنى ياندۇرۇش، قاننى ماڭغۇزۇش رولى بار. ئۇ يەنە «سېرىق چاي ۋە دالا چاي» دەپمۇ ئاتىلىدۇ.

ئىملىق سۆز. ئەپسۇسلىنىش، ئەجەبلىنىش مەنىلىرىنى بىلدۈرىدۇ:-ئەھەي.. . تۆگە مېنىپ تۇرۇپ، تۆگىسىنى ئىزدەپتۇ، دېگەننىڭ ئۆزى شۇ-دە!

ئىملىق سۆز. يۆتەلگەندە چىقىدىغان قاتتىق ئاۋاز.

پېئىل ①بىر-بىرىدىن ھال-ئەھۋال، تىنچلىق-ئامانلىق سوراشماق: ئەختەم گۈلچەمخان چوڭ ئانامغا قاراپ كېلىۋېتىپ، گۈللۈك يېنىدا ئىككى قولىنى كۆكسىنىڭ ئۈستىگە جۈپلەپ تەزىم قىلدى. قەددىنى رۇسلاپ ئەھۋاللاشتى. ②ھاللاشماق، پاراڭلاشماق، سۆزلەشمەك؛ پىكىرلەشمەك: تاشۋاي كىشىلەرگە سالام بېرىدۇ ۋە ئۇلار بىلەن قىزغىن ئەھۋاللىشىدۇ.

ئىسىم [ئەرەبچە] ھال-ئەھۋاللار، ۋەزىيەت، شارائىت: تەرجىمان ھىندىستانغا خېلى كۆپ قېتىم كەلگەن بولغاچقا، بۇ يەرنىڭ ئەھۋالاتى بىلەن پىششىق تونۇش ئىدى.

ئىسىم [ئەرەبچە] ①مەۋجۇت بولغان ياكى يۈز بەرگەن ھالەت، پەيدا بولغان كەيپىيات، ۋەزىيەت: ئىنقىلاب دەۋرىدە ئەھۋالنىڭ ئۆزگىرىشى ناھايىتى تېز بولىدۇ. ②تۇرمۇش شارائىتى، ھال-ئەھۋالى، كۈنى: ئۆي ئەھۋالى.＊ئۆيۈڭدىكى ئەھۋالنى قوشناڭدىن سورا (ماقال).