سۈپەت. ئەمچەككە ئوخشايدىغان، ئەمچەك شەكىللىك: ئەمچەكسىمان ئۆسمە.

ئىسىم. ئېمىلداش.

ئىسىم ①ئاياللارنىڭ سۈت بەزلىرى جايلاشقان ئەزاسى: بالا يىغلىمىغۇچە ئانا ئەمچەك سالماس (ماقال). ②سۈت ئەمگۈزگۈچى ھايۋانلارنىڭ سۈت بېرىدىغان ئەزاسى، يېلىن.

ئىسىم. ئەملەش بىلەن شۇغۇللىنىش ئىشى، كەسپى: ئايۇپ ئاتا مىراس كەسپى ئەمچىلىكنى قايتا قولىغا ئالغاندىن كېيىن ھال-كۈنى تېزلا ياخشىلىنىپ كەتتى.

ئىسىم. ئەملىگۈچى تېۋىپ؛ تومۇرچى: كۆپ ئاغرىغان ئەمچى بولۇر، كۆپ يۈرگەن يولچى بولۇر (ماقال).

سۈپەت ①ئەمبىلى بار، ئەمبەل ئورناتقان. ②ئەمبەل ياساشقا لايىق، باب: ئەمبەللىك تاختاي.

ئىسىم [خەنزۇچە] خېمىرنى زۇۋۇلا قىلىش، ئېچىش ھەم گۆش، سەي توغراش ئۈچۈن ئىشلىتىدىغان شال تاختا.

ئىسىم. كۆرەلمەسلىك ھالىتى، كۆرەلمەسلىك ئىللىتى: ئەمەت ئاكا كۆزىنىڭ ئەمالىقىدىن يورۇق دۇنيانىڭ ھۇزۇرىدىن بەھرىمەن بولالماي ئالەمدىن ئۆتتى.

سۈپەت [ئەرەبچە] كۆزى كۆرمەس؛ قارىغۇ: خۇرشىدە موماينىڭ نېمە ئۈچۈن ئەما بولۇپ قالغانلىقىنى ئىنچىكىلەپ سورىدىم.

ئىسىم <تېبابەت> چېچەك ۋە بەزى باشقا كېسەللىكلەرنىڭ ئالدىنى ئېلىش ئۈچۈن تېرە ئارقىلىق بېرىلىدىغان سۇيۇقلۇق.

پېئىل. كۆزى قاراڭغۇلىشاي دەپ قالماق، كۆزىگە قاراڭغۇلۇق تىقىلماق: ئىلياسنىڭ مەستلىكتە ئەلەڭلەشكەن كۆزلىرى ئويناپ كەتتى.

پېئىل. ئىككى تەرەپكە كۈچسىز چايقالماق، ئېغىنىماق: ئۇ كەپىدىن چىقىپ ئەلەڭلەپ ئىككى تەرىپىگە نەزەر سالدى.