ئىسىم. ئامانەت كاسسىسىغا پۇل قويغان كىشى.

ئامانەت ۋە قەرز، بانكىغا پۇل قويۇش ۋە بانكىدىن پۇل قەرز ئېلىش ئىشلىرىنىڭ ئومۇمىي ئاتىلىشى، ئادەتتە بانكىنىڭ قەرز ئىشلىرىنى كۆرسىتىدۇ.

سۈپەت [ئەرەبچە] ساقلاپ بېرىش، ۋاقتىنچە پايدىلىنىش ئۈچۈن تاپشۇرۇلغان ياكى بىرەر كىشىگە ئەۋەتىپ بېرىش ئۈچۈن تاپشۇرۇلغان: ئامانەت خەت. ئامانەت پۇل. // ئامانەتنى تۇتماڭ، يوقالسا تۆلەرسىز، تام تۈۋىدە ئولتۇرماڭ، يىقىلسا ئۆلەرسىز (ماقال).

ئىسىم ①ساق-سالامەتلىك، ئېسەنلىك: كىشىگە قىلساڭ يامانلىق، ئۆزۈڭگە تاپمايسەن ئامانلىق (ماقال). ②تىنچلىق، ئاسايىشلىق، بىخەتەرلىك: ئامانلىق بولسا يەنە كۆرۈشەرمىز.

پېئىل. بىر بىرى بىلەن سالاملاشماق، بىر-بىرىدىن ھال-ئەھۋال سوراشماق: ھەممەيلەن ئورۇنلىرىدىن تۇرۇشۇپ ئۇلارنى قارشى ئالدى ۋە بىرمۇبىر ئامانلىشىپ چىقتى.

ساق-سالامەتلىك ھالەت: ئۇلار ئامان-ئېسەنلىك سوراشقاندىن كېيىن ئانچە ھايال بولمايلا، ھەممىسى بىرلىكتە بۇ تەرەپكە مېڭىشتى.

ساق-سالامەت: شاھى ماران ئوغلىنىڭ ئامان-ئېسەن كەلگەنلىكىگە تازىمۇ خۇشال بولۇپتۇ.

سۈپەت [ئەرەبچە] ①ساق-سالامەت، خېيىم-خەتەرسىز: باش ئامان بولسا، دوپپا تېپىلار (ماقال). ＊ئەل ئامان-شەھىرىڭ ئامان (ماقال). ②تىنچ، ئاسايىشلىق، غەم-ئەندىشسىز: ئانا يۇرتۇڭ ئامان بولسا، رەڭگىرويۇڭ سامان بولماس (ماقال). ③ئەرلەر ئىسمى.

پېئىل. ئامال قىلماق، چارە-تەدبىر تاپماق، ئىلاج قىلماق: ئۇ رەقىبىنى بىر ئاماللاپ ئۆز ئايىغى بىلەن بالاغا تىقاي دەپ ئويلاپتۇ.

ئىسىم. ئىلاجىسىزلىق، چارىسىزلىق: بۇ ھەسرەتلىك كۈلكە ئىدى، شۇنداقلا ئامالسىزلىق ئاستىدىكى كۈلكە ئىدى.

سۈپەت. ئىلاجىسى بولمىغان، چارىسى يوق، ئىلاجىسىز: ئامالسىز ئىش، ئامالسىز مەسىلە. ＊ئۇ ھەر ئىككى ئىشنى تەڭ ئېلىپ بېرىشقا ئامالسىز ئىدى.

نېمە چارە بار، قانداق ئىلاج قىلغىلى بولسۇن، ئىلاج يوق:-ئامال قانچە، ھەربىي بولغاندىن كېيىن، قوماندىغا بويسۇنۇش كېرەك-تە، -دېدى يىگىت مۇلايىمغىنا.