Рәвиш [бир+қандақ] қандақтур бир йосунда, қандақтур бир хилда, қандақтур бирһаләттә: сән аптобусқа чиққанда бирқандақ болмиғансән?

Алмаш [бир+қайси] кимлики намәлум, қандақтур бир, қайсибир: мамутахун қизиға:-бирқайсиси мени издәп келип қалса «һазир келиду» дәң,-дәп чиқип кәтти.

Сүпәт [бир+қисма] бир түрлүк, башқичә, нормалсиз, ғәйрий: һойла ичидин айал кишиниң ғудурап чалвақиған бирқисма авази аңланди.

①[Бир+қур] рәвиш. Бир қетим, бир баштин: моллам қолидики китабни бирқур варақлап чиқти. ②Сүпәт. Бир йүрүш, бир пар (кийим-кечәк һәққидә): мән өткән йәкшәнбә күни бирқур кийим тиккүздүм.

Рәвиш [бир+қәдәр] мәлум дәриҗидә, хели: йеқиндин буйан у кишиләрниң бирқәдәр йахши баһасиға еришмәктә.

Алмаш [бир+ким] намәлум бир киши, кимду бири: бирини бирким берәр, көпни әмгәк берәр (мақал).

Рәвиш [бир+кәм] бир вақит, бир чағ, бирмәзгил: лутпулла йәнә хатирә йезишқа киришип, хели биркәм болғанда андин ухлиди.

Рәвиш ①бир болуп, бирлишип, қошулуп, биллә, бирликтә: биз биргә оқудуқ, биргә хизмәт қилдуқ, бу җәрйанда техичә мени чүшинип болмиғанмидиң? ②«Билән» сөзи билән келип «бир қатарда» дегән мәнидә келиду: бәдәнни күчләндүрүш үчүн мувапиқ озуқлиниш билән биргә тәнһәрикәт биләнму давамлиқ шуғуллиниш керәк.

①Исим. Иттипақлиқ, инақлиқ: ирадә бирлики. ②Сүпәт. Көпчиликкә тәәллуқ болған, омумийлиққа игә: бирлик сәп. ③Исим. Шәйиләрни өлчәштә өлчәм қиливелинған миқдар: өлчәм бирлики // бирлик мәһсулат.

Рәвиш. Биллә, бир болуп, қошулуп: ғулам өй игиси билән бирликтә қой сойувататти.

Бағлиғучи. «Йезиқ тили» билән, арқилиқ: охшисиму гәр сийақиға дәрәхниң парчиси, ол есил хисләтлири бирлә дәрәхниң таҗиси.

Рәвиш. Бирни бирлик қилип, бирдин.