- «Елип» ни тайақ дейәлмәйду, «мим »ни чумақ дейәлмәйду.
- Ери тартуқниң хотуни пучуқ.
- Еринсәң ишиңни ким қилар, уйалсаң сөзүңни ким қилар.
- Ешики үч тәңгә, тоқуми бәш тәңгә.
- Ешини йәп тавиқини чеқипту.
- Ешәк байниң тағар байниң, йеқилса йөлимәймән, өлсә төлимәймән.
- Ешәк тәхийигә ешәкликтин башқини өгәтмәс.
- Ешәк алдиға чүшивалса атниң меңиши бузулар.
- Ешәк өлүватса көти ғиҗәк тартипту.
- Ешәк ешәктин қалса қулиқини кәс.
- Ешәккә күчүң йәтмисә, ур тоқумни.
- Ешәккә алтун егәр тоқулсиму йәнила ешәк.
- Ешәкни йаратмайсиз, ешәкчә болалмайсиз.
- Еғирлиқ рәһманлиқ, йениклик шәйтанлиқ.
- Еғизда бар, әмәлдә йоқ.
- Еғиздин чиққан сөз – йәргә сепилгән су.
- Егилгән башни қелич кәсмәс.
- Егилгәнгә егил бешиң йәргә тәгкүчә, ғадайғанға ғадай бешиң көккә йәткүчә.
- Ейтқан йәрдин қалма, ейтмиған йәргә барма.
- Ейиқ болсиму ериң болсун, өңкүр болсиму өйүң болсун.