Тартинсаң сөзүңни ким қилур. Еринсәң ишиңни ким қилур. Тағ йөткәлсә йөткиләр, хуй йөткәлмәс. Тала мүшүки өй мүшүкини қоғлапту. Там түвидин қерийду, адәм ичидин қерийду. Тоху даңгал чүшәр, өчкә җаңгал. Тохуни оғрилиғанму оғри, тухумини йегәнму оғри. Тошқандәк йүз йил йашиғичә йолвастәк бир йил йашиған әла. Тоғра сөз ташни йарар, төһмәт башни йарар. Тола сайриған булбул қәпәзгә чүшәр. Тойдин йаманлисаң той қилип көр. Төгәң нар болса, йүкүң йолда қалмас. Төмүрчилик йәл билән, падишаһлиқ әл билән. Түгмәндә туғулған чашқан, гүлдүрмамидин қорқмапту. Түлкиниң териси өзигә дүшмән. Терисаң алисән, излисәң таписән. Териған хаман қилар, теримиған арман қилар. Териғанға йәр қеримас, ишлигәнгә әр қеримас. Териқму теримаймән, қошқачму қорумаймән. Тәдбириң қандақ болса тәқдириң шундақ болар. Тәң йегән тәнгә сиңәр, йалғуз йегән йәргә сиңәр. Тәлвә төрни бәрмәс. Тәләп қил, сәвәб қил. Тәмини биләй десәң тетип көр, епини биләй десәң етип...