«Бихудлаштурмақ» пеилиниң мәҗһул дәриҗиси: у өзиниң ширә үстидики бир ботулка һарақ билән бихудлаштурулғанлиқини биләлмәй қалди.

Рәвиш [парсчә] «йезиқ тили» дадланмай, әрз, шикайәт қилмай: дадам кона җәмийәттә толиму бидад болуп һәммә дәрд-әләмлирини ичигә йутуп өлгәникән. Биз әқлимизгә келип андин буни билдуқ.

Йашта чоң, көпни көргән: мән саңа қариғанда бир иштанни артуқ йиртқан.

Рәвиш ①бирла вақитта, бирдинла, бирйоли: әзизниң амити кәлди. У аддий кадирлиқтин бирақла назирлиққа көтүрүлди. ②Бир йоли, пүтүнләй, һәммиси: туңдики май бирақла төкүлүп кәтти.

Бирдәмликкә, қисқа бир вақит, бирпәс: у иштин бурунрақ қайтқан күнлири балилири билән бирдәм-йеримдәм биллә болалайтти.

Бирләп вә иккиләп, гаһида бирдин, гаһида иккидин, бир-иккидин болуп: меһманлар әмди бирләп-иккиләп келишкә башлиди.

Алмаш [бир+нәччә] қанчә икәнлики намәлум, бирдин көп, аз болмиған: алмасниң қулиқиниң түвидин йәнә бирнәччә пай оқ учуп өтүп кәтти.

Исим. Сүпәт, хусусийәт, маһарәт қатарлиқ җәһәтләрдики әң үстүнлүк, йуқирилиқ: у дәрстә вә башқа паалийәтләрдә синипта һәмишә биринчиликни талишатти.

Ал ①сөзлигүчи вә у көздә тутқан, биргә болған бирқанчә киши: биз бүгүн базарға бардуқ. ②Биринчи шәхс «мән» орнида ишлитилип кәмтәрлик йаки махтиниш мәнилирини ипадиләйду: сиз билән биз йахшидуққу һашим ака.

Сүпәт. Бисати бар, бисат селинған.

Исим. Иза тартмаслиқ: у бишәмлик қилип һәмимизни сәт қилди.

[Парсчә] ①сүпәт. Иштин халий, бош, иши йоқ, ишсиз: бир бикар онни бикар қилипту (мақал). ②Сүпәт. Әһмийәтсиз, пайдисиз, керәксиз: бу йәрләрни ағдурушқа трактор дегән җанивардин башқиси бикар-дә!③Рәвиш. Орунсиз, сәвәбсиз: мән әһвални һәқиқий билгәндин кейинла, уни бикар әйиблигәнликимни билдим. ④Сүпәт. Игиләнмигән, бош, қуруқ: шунчә чоң, азадә залда бикар орундуқ көрүнмәйтти. ⑤Рәвиш. Һәқсиз, пулсиз; әҗирсиз («-ға,-қа,-гә,-кә:-дин,-тин» қошумчилири улинип келип): кийим бикарға кәлмәйду, уни асрап, айап кийиш керәк.