ئاۋازلىق

0 146

سۈپەت ①ئاۋازى بار، ئاۋاز چىقىرىدىغان:-ھەي، ئۇكا، ماڭا قارىغىنا، بۇ يول بىلەن قەيەرگە بارغىلى بولىدۇ، -دەپ سورىدى يوغان ئاۋازلىق بىر كىشى. ②ئاۋازى كۈچلۈك، ئاۋازى چىڭ: دىلەيساخان ئاۋازلىق قىلىپ:-ھەي ئەخمەق ! تىللانى تېزەككە ئايرىۋاش قىلىۋاتقىنىڭنى قارا !-دېدى.

ئاۋاز بەرمەك

0 158

①<كىنو> كىنو ياكى تەرجىمە فىلىم ئىشلەشتە، ئاۋاز ئارتىسلىرى ئۆز ئاۋازىنى شۇ فىلىمدىكى پېرسوناژلارنىڭ دىئالوگى ياكى ناخشىلىرىغا ماسلاشتۇرۇپ لېنتىغا ئالدۇرماق. ②سايلام ۋە مۇزاكىرىلەردە بىرەر كىشىنى سايلاش-سايلىماسلىق، پىكىرىگە قوشۇلۇش-قوشۇلماسلىق ھەققىدە ئۆز ئىختىيارىنى بىلدۈرمەك.

ئاۋاز

1 136

1. ئىسىم [پارسچە] ①ماددىلارنىڭ تەۋرىنىشى، نەرسىلەرنىڭ ئۇرۇلۇشىدىن پەيدا بولغان تاۋۇش: سائەتنىڭ ئاۋازى. يامغۇر ئاۋازى. دۇمباق ئاۋازى. ＊قەيەردىندۇر نەي بىلەن راۋابنىڭ ئاۋازى ئاڭلاندى. ②ئۆپكىدىن چىققان ھاۋانىڭ ئۇرۇلۇشى بىلەن تاۋۇش پەردىلىرىنىڭ تەۋرىنىشىدىن چىققان تاۋۇش؛ سادا:-ئەي ئوغلۇم، -دېدى ئۇ يېقىملىق ئاۋاز بىلەن، -نېمە سىرىڭ بار، ماڭا ئېيت. 2. ③پىكىر-تەلەپ، نالە: ئاممىنىڭ ئاۋازى. ④مۇزاكىرە ياكى سايلامدا ئۆز پىكرىنى بايان قىلىش ھوقۇقى، ئىختىيارلىق، راي: يوشۇرۇن ئاۋاز. بىر ئاۋازدىن ماقۇللىماق.

ئاۋارە

0 145

سۈپەت [پارسچە] ①بىرەر جايدا تىنىم تاپالمىغان؛ سەرسان-سەرگەردان: باقساڭ مېنىڭدەك دىۋانىلەرگە، ئىسيان چۆلىدە ئاۋارىلەرگە. ②بىرەر ئىش-ھەرىكەت بىلەن بەند، مەشغۇل: ھازىر ھەر ئادەم ئۆز ئىشى بىلەن ئاۋارە. ③ئامالسىز، بىچارە؛ قىينالمىغان: ۋە يا داچەن دەردىدىن ئاۋارىمۇسەن ؟ ياكى ئوغرى، بۇلاڭچى قاراقچىمۇ سەن. ④ئاجىز، ئورۇق، جۈدەڭگۈ: ئاۋارە قوي. ئاۋارە ئات.