Бармақ

①Исим. Пут, қол пәнҗилириниң һәрбири. ②Пеил. Сөзлигүчи йаки көзәткүчи турған җайдин, нәзиридин нери кәтмәк, йирақлашмақ, йол алмақ: бармаймән дегән түгмәнгә йәттә қетим берипту (мақал). ③Пеил.Давамлашмақ, давам қилмақ: бу йәрдә гәп дөләт һакимийити паалийитиниң мәзмуни үстидила бариду. ③Пеил. Рәвишдашлар билән бирикип келип түс мәнисини билдүриду. ④Пеил. Иш-һәрикәтниң давамлишиватқанлиқини билдүриду: мән һушур акамға йандишип кетип бараттим. ⑤Пеил. Иш-һәрикәтниң пәллимупәллә өрлигәнликини билдүриду: дөләт бикар қилиниду әмәс, у өз-өзидин һалак болуп бариду. ⑥Пеил. Иш-һәрикәтниң ахирлашқанлиқини, түгигәнликини билдүриду: у, бу кәмгичә корлиға йетип барди. ⑦Пеил. Йөнилиш келиштә кәлгән санлар билән бирикип келип, шу нәрсиниң шу сан билдүргән чәккә йәткәнликини уқтуриду: униң банкиға аманәт қойған пули 21 миң йүәнгә бариду.