Басмақ

Пеил ①йол йүрмәк, дәссимәк, маңмақ: әл басмиған йәрдә көп йүрмә (мақал). ②Бирәр нәрсиниң үстигә, ичигә башқа нәрсини қачилимақ, җайлаштурмақ: машиниға оғут басмақ. ③Йуқиридин төвәнгә қаритип күч билән ниқтимақ: асим униң мурисидин басти. ④Қаплимақ, оримақ: айрилғанни қара басар, бөлүнгәнни боран (мақал).＊Һавани туман басти. ⑤Нәшр қилмақ: мән болсам йазимән, маву ағинәм турди болса китаб-мақалә басиду. ⑥Үстүн кәлмәк, артип кәтмәк, ешип чүшмәк: нәйгә тәңкәш қилинған бир ғеҗәкниң авази наһайити төвән болуп, уни нәйниң авази бесип кәткәниди. ⑦Йақмақ, тәгкүзмәк: бағриға басмақ. ⑧Бирнәрсини иккинчи бирнәрсиниң үстигә бесип из чиқармақ, тикмәк: кәштә басмақ. Тамға басмақ. ⑨Пәсәйтмәк, тинчитмақ, һай бәрмәк, йалтаймақ: өзини басмақ. ⑩ Урмақ: дәрригә басмақ. ⑪Үсти үстигә қоймақ, тәхлимәк: чөп басмақ. ⑫Көчмә мәнидики сөз. Зорлуқ билән мәни қилмақ, тосмақ, тинчитмақ: амминиң пикрини басмақ. ⑬Исим. Ушшақ учар қанатларни тутушта ишлитилидиған қапқан: басмақ қурмақ. ⑭Исим. Тасма билән үстидин бастуруп етидиған пәс пашнилиқ бир хил йазлиқ айағ кийим: у йаз күнлири даим путиға басмақ кийип йүрәтти.