Бәнд

[Парсчә] ①исим. Бекитилгән, михланған җай: чин ашиқлар чақар қәпәс бәндини, ишәнгин әй қәмәршаһ дәрдиң түгәйду. ②Исим. Бағлақ, солақ, түгүн, тузақ, қапқан: йа бир йаман дәрдкә қалди, йаки уни бәндкә салди, йа зинданға солап алди, нә болди йарим кәлмиди. ③Исим. Әсирлик, тутқунлуқ һалити: мән пут-қолум азадә болғини билән қәлбим бәнд қилинған, кишәнләнгән адәммән… ④сүпәт. Бирәр иш билән мәшғул, бош әмәс: у җиддий иш билән бәнд иди. ⑤Исим. Бирәр нәрсигә берилгәнлик, мәптунлуқ йаки униң тәсиригә елинғанлиқ: тәсирлик искирипка күйлири йәнила мени бәнд қилалмиди. ⑥Сүпәт. Бағланған, муптила болған: әй җапа дәстидә сәргәрдан йигит, нәдисән, төһмәткә бәнд, қурбан йигит? ⑦Исим [парсчә] «әдәбийат» қапийә, ритим вә мәзмун җәһәттин өзара бағланған шеирий парчә: бир бәнд шеир. ⑧Исим [парсчә] «музика» музика әсири йаки уларниң мәлум бир қисми.