Бәз

①Исим «анатомийә» җанлиқ организмларниң тени ичидики бәз һүҗәйрилиридин түзүлгән вә бәлгилик дәриҗидә химийиви маддиларни аҗритип чиқиралайдиған тоқулма: тәр бези. Шөлгәй бези.＊Мүшүкниң пули йоқ, бәзгә амрақ (мақал). ②Исим. Организмниң йаллуғлинишидин томпийип чиққан җай: оғлум, тола ақсимай маң, теқимиңға бәз чүшүп қалмисун йәнә. ③Сүпәт. Көчмә мәнидики сөз. Гәп-сөз тәсир қилмайдиған, қашаң, йүзи қелин: бәз қулақ.＊Турсун акамниң балиси бир бәз адәм бопту. ④Сүпәт. Су сиңмәйдиған, қатмайдиған һәм йумшимайдиған: бәз тупрақ. Бәз лай.